【Now Sports】鷹隊今日NBA常規賽主場對灰熊，以119:123落敗，令到東岸季後賽席位形勢更添變數。
鷹隊主將楊格（Trae Young）及中鋒奇連卡比拿（Clint Capela），今場已打出不俗數據，尤其奇連卡比拿貢獻出18分、16籃板、4封阻，在內線已做足本份。楊格亦收穫「雙雙」28分、10助攻，可惜在比賽後段無法阻止賽前已奪得季後賽資格的灰熊得分，最後敗陣。灰熊今場有當家球星摩蘭特（Ja Morant）取得27分，將球隊近期連勝場數增至六場。
同日，正與鷹隊爭取季後賽資格排名的公牛及速龍都贏波，公牛作客贏湖人，而速龍主場擊退巫師，使到東岸第八至第十位排名仍然添極大變數。至於騎士以108:91贏到訪的火箭後，正式取得東岸季後賽資格其中一席位。
圖片來源 : 球會官網圖片