【Now Sports】Keyman馬啟仁去過各個足球大國，他如何評價今次的東道主卡塔爾呢？
單從成績來看，卡塔爾今屆世界盃之旅確實有點失色，要知道多年來世界盃東道主從未在小組賽全敗收場，但卡塔爾就尷尬地成就這個創舉。幸好蒙達利對陣塞內加爾一役有波入，否則交出一張全無入球的小組賽白卷實在情何以堪。但撇除球場成績，卡塔爾今次做搞手其實不遺餘力，幾方面都值得讚賞。
首先宣傳方面做得有聲有色，當地大型LED世界盃廣告牌隨處可見，各式媒體亦全力宣傳，拍短片做公關不在話下，城市每個角落都見到官方的努力，氣氛確是一流。如果一定要挑骨頭，可以說大部份宣傳由官方主導，風格上稍嫌一體化，相比之下民間自發宣傳品比較少。始終這方面都需要有歷史基礎，如當年在巴西、法國、德國等足球大國舉辦時，自然有更多球迷基礎，很多商家原本已售賣足球商品，亦有利民間自發宣傳。所以這方面卡塔爾仍要時間建立，今屆世界盃之後更多人留意足球，有望發展得更好。
不過卡塔爾亦有本身強項，例如建築就是其中之一。官方找來世界各地著名設計師打造新球場，加上資金充裕，豪花2200億美元興建新球場、新鐵路，每個地方都金碧輝煌，但同時融合各種元素，當地文化傳承以至世界潮流都有涉獵，球場又好基建也好，都值得影相打卡分享。
所以當提到世界盃，我都會盡可能到當地參與，就像今次一樣，即使隻身前來都不會抗拒，因為世界盃盛事每屆都有本身特別之處。今屆因為卡塔爾比較神秘，地方大家不熟悉，理解亦不多，令我更想來拉闊視野。透過各種媒體渠道，分享所見所聞，讓球迷有更多角度去看世界盃盛事，於我而言已是無價。
馬啟仁簡介：
著名體育評述員、主持人及演員，擅長講波之餘亦鍾意落場踢埋一份！對足球情有獨鍾，追隨韋斯咸多年亦是阿根廷國家隊球迷，睇世界盃點可以無佢份！
