【Now Sports】東京奧運男子花劍個人賽金牌得主張家朗,於奧運後首次出席公開活動,數百市民一早等候一睹這名奧運金牌選手的風采,場面墟冚,身高193厘米的張家朗一舉手一投足,都引來Fans尖叫,風頭可媲美人氣男團MIRROR。
向來低調的張家朗表示出席公開活動亦有點不習慣,但就很高興見到很多市民支持他,並感受到市民對他的熱情,「完全冇諗過有咁多人,好開心,佢哋嘅支持對我嚟講都好重要。」活動結束後,張家朗特地走近粉絲,親身向他們道謝及簽名合照,表現親民。
家朗於全運會時因傷提早回港,他表示目前傷勢已經好轉,「全運會本身諗住打,咁啱唔好彩最後一日受傷,返嚟就半休息,都有keep住做體能,唔想唞太耐,Pick up返就好難,我通常練朝早、晏晝休息。」
家朗續說,「依家開始郁返,返到嚟已經開始做上半身運動,但腳就盡量唔郁,我嘅體能教練返嚟之後,開始畀啲計劃我,今個禮拜打咗一次都覺得OK。」
被問到身為奧運金牌得主,再去比賽會否感到很大壓力,家朗說,「自己都覺得會唔會比好大壓力自己,因為攞咗金牌,但自己都覺得依家打緊嘅運動員唔係只得我一個攞過金牌,甚至乎攞過多個一個金牌,我應該向佢哋學習處理自己嘅心態。」他表示下一個目標是亞運,「我諗下一個目標應該係亞運,因為亞運係最近嘅大型運動會,自己都未攞過。」