簡尼依然不可或缺。
(©AFP)
【Now Sports】英格蘭小勝捷克，小組首名出線，16強賽事留喺倫敦比賽，算係好事。哈利簡尼今仗又冇波入，令英倫球迷又再激死，其實依家嘅簡尼同出trip重到死嘅器材一樣，冇咗佢係唔得。
出trip採訪總要相機、鏡頭、電腦、手機，必須靠工具完成旅程，就算明明攰到爆，但每次回程總要孭住呢啲該死物品返回起點。戰鬥30日，說實點就係唇齒相依，又唔係路透社、法新社、BBC無限器材，冇咗或者唔見咗就會好麻煩。
其實今仗上半場總算有機會製造畀簡尼攻門，入唔到波都冇計，但英格蘭似乎冇咗佢又好似唔得，如果唔係修夫基就唔會寧願換唔同邊鋒出嚟，都係想激活佢。
撰文：員A
做體育傳媒時咩位置都做過，做網店店長都係一腳踢