【Now Sports】假如你仍記得「牛咁眼」這個角色名字，證明你已是上一代電視迷，當年飾演這角色的資深演員陳國權也是波癡，他直言現今足球不如以往，而一些球員像演員般好戲。
「都唔記得邊年開始囉，起碼幾十年，因為自己鍾意踢波。」陳國權本身是視藝足球隊的成員，擔任門將，最欣賞的是前英格蘭鋼門哥頓賓士，他又欣賞1988年稱霸歐洲國家盃的荷蘭三劍俠，但為荷蘭始終未奪世界盃感遺憾：「上天主宰，冇得講，嗰陣有雲巴士頓、古列治，感覺應該可攞埋世界盃，但冇辦法。」
他坦言足球今不如昔：「依家啲波，講得唔好聽有少少蠱惑。好多球員似我哋咁──好好戲。點樣去set up一場比賽，好多比賽可能臨完場追番或者贏得更多，啲時間配合好得意……」
「今屆我支持法國，因為有安巴比，而隊波中場線都唔錯。不過問邊隊冠軍就幾難估，因為好多隊實力差唔多，冇話邊隊整體人腳特別好，太難估。」雖然是年長球迷，原來他欣賞的是一名小將：「你估都估唔到，依家我鍾意曼聯，喜歡隊波嘅前鋒美臣格連活，年紀輕輕，射波射得好好。」可惜「綠木」因傷未能入選英格蘭大軍。
受到疫情影響，陳國權希望賽事可如期進行。多年來一直拍戲，他已習慣必要時為工作犧牲娛樂：「冇計，賽事期間一定要工作，永遠開工大吉。如睇唔到直播，惟有拍完戲至睇戰果，都有試過開工後，成隊crew一齊睇波。」
不過，一有機會，他都會坐定定睇：「我嘅捱眼瞓良方，就係有時普洱，有時咖啡。最好同一兩個朋友一路食嘢，一路睇，身邊有人鍾意睇波又鍾意食嘢就係最好。」
相關文章：
【我們都是這樣睇EURO】球迷會女神June現場為C朗落淚
https://sports.now.com/home/news/details?id=33632342451
【我們都是這樣睇EURO】陳肇鈞：獨自睇更集中
https://sports.now.com/revamp/euro2020/web/news_detail.jsp?id=33617724965
【我們都是這樣睇EURO】福音漫畫家繼續「葡」
https://sports.now.com/home/news/details?id=33483629526
【我們都是這樣睇EURO】「C朗女」最想同193姜濤睇波
https://sports.now.com/home/news/details?id=33575355150
【我們都是這樣睇EURO】Miss Wong憑意志起身睇波
https://sports.now.com/revamp/euro2020/web/news_detail.jsp?id=33562552012
【我們都是這樣睇EURO】花式足球施寶盛：模仿狂牛球星
https://sports.now.com/revamp/euro2020/web/news_detail.jsp?id=33546746679
【我們都是這樣睇EURO】作家余家強：佛系捱夜
https://sports.now.com/home/news/details?id=33530055696
【我們都是這樣睇EURO】出版編輯愛「德」徹底
https://sports.now.com/home/news/details?id=33483629525
【我們都是這樣睇EURO】居澳華裔球證難忘夾意軍出局
https://sports.now.com/home/news/details?id=33418874618
【我們都是這樣睇EURO】
我們都是這樣長大的，都是這樣睇足球。歐洲國家盃大概是世界盃以外最受注目的足球國際賽，球迷當有睇EURO的難忘片段及對今屆賽事的期盼，【我們都是這樣睇EURO】內的，可會與看官的心思意念相同？
