0
0
【我們都是這樣睇EURO】球迷會女神June現場為C朗落淚

【我們都是這樣睇EURO】球迷會女神June現場為C朗落淚

【我們都是這樣睇EURO】球迷會女神June現場為C朗落淚

【Now Sports】人美心善有學識、夠義氣搵親幫手永無托手踭……熟悉香港足球球迷會動向的,固然不會對June感陌生,更清楚的,是她熱愛皇家馬德里,以及基斯坦奴朗拿度。

「由細到大都一直追睇歐國盃或者世界盃,但最有印象嘅係2004年歐國盃,當年係支持英格蘭同鍾意奧雲,亦係我第一次留意基斯坦奴朗拿度。當年葡萄牙8強以12碼淘汰英格蘭(奧雲有入波但英格蘭一如以往都係輸12碼)。當時我唔知C朗係邊個,但個鏡頭成日影住佢(後來先知佢當時踢緊曼聯)。仲心諗,到底呢個樣寸寸貢嘅人係邊個?到決賽再見到葡萄牙輸俾希臘,就對呢隊波印象深刻,亦開始留意葡萄牙。」

皇家馬德里香港球迷會會長June,一口氣道出睇歐國盃嘅履歷,同埋對C朗由唔識、認知到熱愛嘅心路歷程。

本職是臨床心理學家的June,最難忘喺上屆親身赴法國,觀賞呢個歐洲最大型球賽。「歐國盃嘅難忘回憶有好多,不過一定係長大後可以親身去睇2016年賽事。當年好彩抽到決賽門票,一路睇一路擔心葡萄牙踢唔到最後,8強已經想飛去睇對波蘭,但可惜當年實習中,唔可以放咁多日假。最後都決定早啲飛去法國睇4強葡萄牙對威爾斯,落機馬上揸車5至6個鐘車去睇當日喺里昂嘅準決賽,親眼見到C朗跳到兩米6咁高頂入一球,再助攻蘭尼入波,帶領葡萄牙晉身決賽。」

「到決賽C朗受傷,其實當時好驚,成個人都覺得好震,全場都好靜咁。因為就算我坐得好近,其實都唔似睇電視咁有慢鏡同近鏡。我緊張到要問返睇緊電視嘅朋友發生咩事。」回想C朗受傷這一幕,June依然感觸不已:「後來佢兩次嘗試起身,我都知其實佢唔可以繼續。真係為佢流咗眼淚,覺得咁辛苦踢到呢度,竟然係咁樣……。」

「好彩佢嘅隊員都好堅持,我又見到佢出返嚟,企喺場邊支持球隊仲做埋教練咁,好體現到佢真係場內場外都係精神領袖,真係毋庸置疑。到加時法國其實狂攻,都令我好緊張,直到艾達入波,我見到C朗好開心嗰個樣。臨完場1分鐘,我其實都係顧住睇C朗好興奮跳嚟跳去個樣,覺得今次實習(本來身在紐約)都飛去睇好值得。」

June對C朗、葡萄牙情有獨鍾,今屆自當沒不捧場之理:「C朗等咗咁多年,今年終於有一班睇佢踢波大,又可以有力爭標嘅後生仔幫手。其實近年有留意葡萄牙青年軍嘅人都知,佢哋踢得唔錯,U19喺近幾年歐洲賽多數都喺4強內,相信佢哋都成長咗,部份變成大國腳。葡萄牙U21 剛剛都入咗U21歐洲盃決賽,只係以0:1輸咗俾德國飲恨。」

「個人願望係葡萄牙攞冠軍,相信佢哋如果擺脫到死亡F組,係可以去到好遠。另外我睇好法國同意大利,4強應該會見到佢哋。睇好法國,主要見到重返國家隊嘅賓斯馬同安巴比喺熱身賽夾得好順,而意大利以10場全勝姿態得到決賽周入場券,表現令人期待。」

工作、搞球迷會活動尚要捱夜睇波,且聽June有何妙法應付?「賽事期間都要工作,所以可能一返屋企就先瞓覺,到比賽時間先起身。捱眼瞓良方應該係睇波前沖涼同食嘢,之後個人就會醒晒。」

疫情令不少原本計劃現場睇波的球迷卻步,June最想約大夥兒一起觀戰:「有幾位朋友本來約咗一齊去現場睇決賽,但最後都退咗票,希望有機會約佢哋一齊睇;另外就係想同我嘅葡萄牙buddies睇返場葡萄牙比賽。」

最後她透露對賽事的期望:「剛剛收到西班牙隊長巴斯基斯確診嘅消息,依家成隊要隔離。希望歐國盃2020唔會受疫情影響,球員觀眾都健康,比賽順利完成。」

【編按:June在決賽周期間,將會為本網站專欄《熱血球迷》撰稿,敬希捧場。】

【下次預告:外號高佬權、牛咁眼的資深演員陳國權認為嘆普洱、咖啡乃捱夜睇波必備。】

相關文章:

【我們都是這樣睇EURO】陳肇鈞:獨自睇更集中

https://sports.now.com/revamp/euro2020/web/news_detail.jsp?id=33617724965

【我們都是這樣睇EURO】福音漫畫家繼續「葡」

https://sports.now.com/home/news/details?id=33483629526

【我們都是這樣睇EURO】「C朗女」最想同193姜濤睇波

https://sports.now.com/home/news/details?id=33575355150

【我們都是這樣睇EURO】Miss Wong憑意志起身睇波

https://sports.now.com/revamp/euro2020/web/news_detail.jsp?id=33562552012

【我們都是這樣睇EURO】花式足球施寶盛:模仿狂牛球星

https://sports.now.com/revamp/euro2020/web/news_detail.jsp?id=33546746679

【我們都是這樣睇EURO】作家余家強:佛系捱夜

https://sports.now.com/home/news/details?id=33530055696

【我們都是這樣睇EURO】出版編輯愛「德」徹底

https://sports.now.com/home/news/details?id=33483629525

【我們都是這樣睇EURO】居澳華裔球證難忘夾意軍出局

https://sports.now.com/home/news/details?id=33418874618

【我們都是這樣睇EURO】

我們都是這樣長大的,都是這樣睇足球。歐洲國家盃大概是世界盃以外最受注目的足球國際賽,球迷當有睇EURO的難忘片段及對今屆賽事的期盼,【我們都是這樣睇EURO】內的,可會與看官的心思意念相同?

圖片來源 : 受訪者提供

  1. 更多
  1. 中小學價值觀教育課程架構刪尊重人權等字眼 鄒秉恩:沒寫不代表不尊重
    中小學價值觀教育課程架構刪尊重人權等字眼 鄒秉恩:沒寫不代表不尊重
    1小時前
  2. 澳洲國會僱員每三人有一人曾被性騷擾
    澳洲國會僱員每三人有一人曾被性騷擾
    23分鐘前
  3. 美國指與中國高超音速武器競賽持續
    美國指與中國高超音速武器競賽持續
    38分鐘前
  4. 立法會選舉設邊境票站 內地港人今起網上登記
    立法會選舉設邊境票站 內地港人今起網上登記
    47分鐘前
  5. 【12月1日疫情速報】(12:45)
    【12月1日疫情速報】(12:45)
    1小時前
  6. 警方偵破東南亞網上情緣犯罪集團 涉款1500萬港元
    警方偵破東南亞網上情緣犯罪集團 涉款1500萬港元
    1小時前
  7. 世衛建議60歲以上或高危人士暫時避免外遊
    世衛建議60歲以上或高危人士暫時避免外遊
    2小時前
  8. 三名中學生涉去年向大埔警署投燃燒物 二人罪成還柙候判
    三名中學生涉去年向大埔警署投燃燒物 二人罪成還柙候判
    2小時前
  9. 林卓廷被控三項披露受廉署調查人身份開審
    林卓廷被控三項披露受廉署調查人身份開審
    2小時前
  10. 深水埗主教山配水庫導賞團開放預約 約一小時後額滿
    深水埗主教山配水庫導賞團開放預約 約一小時後額滿
    2小時前