0
0
周健宏X梁振雄教你打波防受傷

周健宏X梁振雄教你打波防受傷

周健宏X梁振雄教你打波防受傷

【Now Sports】等了又等,籃球場將於周五(19日)重開!籃球愛好者可以落場打波當然高興,不過相隔差不多3個月復操就要格外留神,小心身體不勝負荷受傷。兩個不同年代的甲一籃球員周健宏及梁振雄(Coach Fui)也曾因打籃球受傷,兩個過來人決定合作「軟硬兼施」,前者私心推介韓國品牌復健,後者研究獨門練習方法,希望有助當打球員減少受傷機會,受過傷的不再重蹈覆轍受傷。(影片附上Coach Fui教學)

採訪:肉面飛龍

周健宏3年前在韓國職業聯賽算是最多機會、最有表現的一季,當他準備初嘗於韓職正式上陣時,卻在開季前一天受傷,經診斷後證實臏骨斷裂,球季報銷。談到當時感受,阿宏坦言「世界好似完咗咁」。但現在回想起來,又覺得學到了很多,尤其是對運動有另一種睇法。

阿宏:以前細個唔會明,好似我睇阿灰(梁振雄)打波咁,佢整親嗰場係喺永倫,佢臨尾入咗兩球3分,臨尾第4節時我睇住佢整親,其實嗰陣時係唔會明,冇受傷嘅人係唔會明嗰種心情。

阿宏:以前係諗點樣打得好啲,跳得高啲,點樣叻啲;而家就調返轉,唔好受傷,一個好平穩嘅數據,喺個球場上留返住自己先,呢個係兩個好唔同嘅睇法。

正如周健宏所說,阿灰在球員年代受傷,當談到受傷後的慘況,他笑言啪的一聲不只聽到是腳斷了,而是聽到整個人生都斷掉了。

阿灰:我哋嗰個年代球隊老闆幫你畀咗醫藥費,做咗修補手術,但係嗰陣時生活拮据,攞住支拐杖要出去教波,身上面得10蚊,喺九龍塘等朋友來接濟我。受傷之後你要痛3個月,復健要1年,其實我係好唔建議大家要運動而受傷。

阿灰:籃球一路都轉變緊,點解呢10年咁多人斷十字韌帶,你睇NBA都係,因為多咗快攻,打小球、打3分、打側切步、打急停,你嘅損耗就大咗。

阿灰表示,香港有很多不同組織舉辦的籃球聯賽,打籃球有90%的人都是業餘性質,最容易受傷的人,並不是職業球員,反而正正是業餘的人,他們受傷之後,生計和生活亦受到影響,所以阿灰希望教導大眾,如何練到技巧之餘,又避免受傷。

阿灰:依家啲小朋友5歲就開始打籃球,佢哋去到8歲就已經膝頭哥痛,其實係幾恐怖嘅一件事。記住我哋嘅膝頭哥全部都係用咁多年嘅,每個人都係用廿零年到,你由5歲開始就磨蝕,咁你到25歲個膝頭哥就老化得好緊要,所以我認為訓練教大家如何使用真正嘅核心力量去保護自己,係我而家接下來嘅人生目標。

周健宏表示在復康過程中,聽得最多人問候他的說話是「你仲驚唔驚」、「有冇陰影」,的確受傷過的人陰影面積有多大,只有他們才明白,要克服這個陰影,首先再有足夠的保護。

阿宏:上季我要落返場打波,試過好多方法,其實開頭真係驚,咁我就不斷搵唔同嘅產品,咁我大大話話試咗50個品牌以上,有日本、韓國、大陸、台灣、香港自家製、美國、德國,所有唔同產品護膝我都試過,其實好正常,因為你真係好驚再整親,咁我就試咗一個牌子,我打波唔著佢我係唔夠膽打波。

阿宏親身試過最適合他的護膝,他本著「好嘢要分享」的心態,希望推介韓國牌子4WIN給大眾,於是他決定代理這個品牌。

阿宏:我覺得呢個係一個硬件,可能會幫咗你嘅信心,減低損耗,佢係會幫你換機油,係一個保養,講到最尾都係一個訓練上嘅嘢。

阿宏希望用這個產品幫到人,加上阿灰的訓練課程雙管齊下。

阿宏:我哋呢個品牌係膝頭哥關節嘅品牌,佢又整親過我又整親過,其實我哋知道大眾係需要啲乜嘢,咁我就同佢講我哋不如合作做一啲訓練班。

阿灰:今年疫情喺屋企好多時間思考,就思考左一整套係屬於我哋亞洲人點樣用核心力打波防止受傷,儘管我去打波有好多急停嘅動作,好多跑步嘅動作,好多轉向嘅動作,我右膝冇做修補手術,冇韌帶都照樣做晒啲動作出嚟。

阿灰亦在影片後段親身示範和教授如何練習核心力量,如果大家準備好復操,不妨試著跟他練習。

  1. 更多
  1. 五歲女童被虐致死案 生父和繼母謀殺罪成下周二判刑
    五歲女童被虐致死案 生父和繼母謀殺罪成下周二判刑
    49分鐘前
  2. 【疫苗氣泡】安老服務協會建議分批放寬院舍探訪安排
    【疫苗氣泡】安老服務協會建議分批放寬院舍探訪安排
    33分鐘前
  3. 62歲男子去年向警察宿舍投汽油彈 判囚42個月
    62歲男子去年向警察宿舍投汽油彈 判囚42個月
    47分鐘前
  4. 消息︰行政會議通過選舉制度條例草案
    消息︰行政會議通過選舉制度條例草案
    1小時前
  5. 【4月13日疫情速報】(13:45)
    【4月13日疫情速報】(13:45)
    2小時前
  6. 海關檢逾5.9萬疑盜版電子小學試題檔案 拘捕5人
    海關檢逾5.9萬疑盜版電子小學試題檔案 拘捕5人
    2小時前
  7. 羅致光:成立失業保險要暫停取消強積金對沖工作
    羅致光:成立失業保險要暫停取消強積金對沖工作
    2小時前
  8. 【背道而馳】曾祈殷:「來港易」應要求內地旅客接種新冠疫苗
    【背道而馳】曾祈殷:「來港易」應要求內地旅客接種新冠疫苗
    2小時前
  9. 【核廢水入海】中批日決定極不負責任 美指符全球安全標準
    【核廢水入海】中批日決定極不負責任 美指符全球安全標準
    2小時前
  10. 日本決定將核廢水排出海 學者指影響全球魚類遷徒及漁業安全
    日本決定將核廢水排出海 學者指影響全球魚類遷徒及漁業安全
    2小時前