【Now Sports】LPGA女子高爾夫球巡迴賽新球季即將展開,香港首名職業高爾夫球女將陳芷澄Tiffany已摩拳擦掌,準備在2021年創一番成績。
由於新冠肺炎疫情,去年LPGA賽事在3月停擺,Tiffany當時亦選擇回港,直至7月比賽重啟,她才重回美國繼續球季。談到剛過去2020年球季,Tiffany表示最深刻的感受是原來運動員沒有比賽實戰,手感真的「差好遠」。
Tiffany說,「因為返咗香港,冇比賽成4個月,亦冇充足時間練習。因為香港嗰陣時都係半隔離狀態,球場同健身房都冇開,直到7月前個半月,健身房先開返,以為自己都仲OK但係返到美國之後就覺得真係差好遠,原來運動員冇掂球杆或者冇一路熟習比賽去攞經驗,手感真係差好遠。」
去季重返比賽後,Tiffany表現愈來愈好,為了保持狀態,她決定休季後繼續留在美國,希望可以彌補過去因疫情而錯過的時間。提到新球季目標,Tiffany說,「好似眨下眼2020年就過去咗,其實定咗嘅目標同埋希望做到嘅嘢都冇做到,所以都希望Keep住2021年係同樣嘅目標,亦都加上2021年希望會有奧運會,希望喺奧運會上面攞到一面獎牌。除此之外,就係LPGA賽季上面可以攞到突破自己更好嘅成績前50名。」
Tiffany透露將會參加2月最後一個星期在佛羅里達州舉行的賽事,想更深入了解Tiffany在美國練習和比賽的情況,可以留意Now Sports與Tiffany的視像訪問!此外,Now TV 683將於香港時間1月22日凌晨1時直播佛羅里達女子高爾夫球冠軍賽!
LPGA女子高爾夫球巡迴賽
佛羅里達女子高爾夫球冠軍賽
Now TV 683台直播賽程
22/01 01:00 第1日
23/01 01:00 第2日
24/01 02:30 第3日
25/01 03:00 第4日