中堅登克頂入。
(©AFP)
【Now Sports】周六英超，狼隊作客被白禮頓逼和3:3，水晶宮主場以2:0輕取錫菲聯。
狼隊射手法比奧施華重返正選，身後有阿達馬查奧爾、柏度尼圖、域陀費利拿。白禮頓作出輪換，由慕比、干奴利、托沙組成三叉戟，結果托沙13分鐘在右路左舞右舞後傳中，干奴利近門撞入。
狼隊雖然先失守，但很快就由中堅沙爾斯在角球攻勢頂成1:1。34分鐘，柏度尼圖窄位起腳，門將羅拔山齊士撲出，中堅丹般誤撞入網。44分鐘，丹般再犯錯失12碼，中場尼維斯（Ruben Neves）射入，狼隊反超前3:1完半場。
易邊後僅1分鐘，慕比博得12碼，親自操刀射入，白禮頓追回1球。白禮頓積極反撲，中堅韋士打於68分鐘頂中楣，2分鐘後又是角球攻勢，中堅登克終於頂入，逼和3:3完場。
至於水晶宮主場迎戰錫菲聯，只用了4分鐘就憑翼鋒舒立普打開紀錄。上半場補時6分鐘，另一翼鋒艾斯在後半場開始盤球，連過數關後射入個人表演式入球，為水晶宮奠定2:0勝局。