【Now Sports】提到前香港足球先生范俊業，大家都一定記起「撲出鄭智12碼」，以及皇馬表演賽「零封6條A」等威水史。現年44歲的「豬仔」，目前除了擔任天水圍飛馬守門員教練及足總教練之外，近年還發展副業，轉攻高級食材店。
採訪：肉面飛龍
前香港門神范俊業去年8、9月開始加入家人位於土瓜灣的高級食材店，「豬仔」坦言一開始就好像成人班學踢足球一樣，逐樣逐樣慢慢學，「當時嘅情況係你乜都唔識，由一張白紙重新開始。始終當時乜嘢都想試下，真係辛苦到形容唔到啊，返到屋企就瞓覺。」豬仔說。
一雙守龍門的手，開始學收錢、清潔、搬貨，所有舖頭的大小事務都一手一腳去做，豬仔亦悟出足球與做生意的共通點，「我諗共通點係你要不斷去學，足球我仲不斷學緊，喺舖頭我都係去學，每樣貨物都有新嘅品種，你要留意坊間其他舖頭，甚至新嘅產品，你都要一路去更新。」
雖然投放不少時間在舖頭，不過豬仔表示最重要的還是球會事務，他透露做守門員教練也要不斷更新自己，「依家守門員教練都要考牌，我都係一級一級考上去，已經考到最高級別亞洲level 3，因為每兩年就會更新一次好多戰術、技術，守門員條例亦不斷更新，要去亞洲足協上堂。」
豬仔特別提到，現在當守門員跟以前的年代已有不同，現在一場比賽中，龍門用腳的機會比用手接還要多，因此他會安排特別訓練，「點樣令到守門員改善，可能要不斷重覆去練，每日十幾分鐘淨係練嗰個動作令到佢習慣，令到身體嘅肌肉上有記憶，習慣控波。我哋會習慣咗比場區球員早半個鐘開始，靠呢啲時間去build up返你忽略咗嘅嘢。」