0
0
【撐起港隊】港將著新波衫試玩Teqball

【撐起港隊】港將著新波衫試玩Teqball

【撐起港隊】港將著新波衫試玩Teqball

【Now Sports】香港隊推出全新主場、作客及守門員球衣,即日起公開發售,為隆重其事,香港足球總會早前邀請香港足球代表隊球員黃洋、徐宏傑,香港女子足球代表隊球員鍾貝琪,以及教練張健峰穿上最新港隊球衣,於賽馬會香港足球總會足球訓練中心試玩新興運動Teqball。

談及充滿香港特色的港隊全新球衣,球員都表示喜歡,穿上主場紅色戰衣的隊長黃洋說,「首先著上身好舒服同埋好透氣,同埋個圖案好sharp、好精神。第2,個意義就係每次著起香港隊波衫,其實都提醒自己都要keep住一個好好嘅水準,隨時準備爭取入選香港隊嘅機會。」

女足成員鍾貝琪十分欣賞球衣上的圖案設計,「今年套香港隊波衫顏色上比較鮮艷,比起往年同前年都比較鮮艷,你會見到著上身個人精神啲,大家著同一件衫係好有活力。同埋鍾意佢今年個Pattern,你會見到有啲圖案,如果你睇真啲,其實好似一啲高樓大廈,所以就好代表香港,因為香港正正有好多高樓大廈喺度。」

穿上白色作客球衣的徐宏傑表示新球衣很舒服,「自己幾鍾意,因為我鍾意比較簡單,可能呢件波衫嘅設計都比較簡單,同埋著落都比較舒服,好輕身、好貼身。」

幾名球員除了試穿新球衣,亦試玩新興運動Teqball,似乎球員都被考起,鍾貝琪說,「因為第一次玩,比想像中困難。一嚟佢張枱係弧形,所以個波彈過嚟時會突然改變方向,呢樣係會有少少反應唔切,同埋Teqball呢個運動都講求技術,如果本身腳下功夫唔係幾好都會有少少擔心,但相信踢得多一定會令技術有所提升。」

黃洋大哥認為這個新設施對球員有幫助,「Teqball最大幫助係一個放鬆嘅練習,因為球員每次都會遇到國際賽或者本地聯賽嘅比賽壓力,其實需要搵到一個足球方式,去令自己精神層面放鬆,令到自己有更加好嘅精神狀態應付好緊要嘅比賽。」

  1. 更多
  1. 鄧炳強到油麻地碧街受限區域視察
    鄧炳強到油麻地碧街受限區域視察
    2小時前
  2. 【1月26日疫情速報】(23:55)
    【1月26日疫情速報】(23:55)
    2小時前
  3. 中大保安檢查站撒粉末案 被通緝22歲學生自首
    中大保安檢查站撒粉末案 被通緝22歲學生自首
    2小時前
  4. 崔天凱:中美關係走向視乎雙方能否相向而行
    崔天凱:中美關係走向視乎雙方能否相向而行
    2小時前
  5. 政府突襲圍封 有居民批評行動太遲
    政府突襲圍封 有居民批評行動太遲
    3小時前
  6. 消息指阿斯利康將提早向歐盟供應新冠病毒疫苗
    消息指阿斯利康將提早向歐盟供應新冠病毒疫苗
    3小時前
  7. 【持續更新‧附互動地圖】新型冠狀病毒指定檢測區域一覽
    【持續更新‧附互動地圖】新型冠狀病毒指定檢測區域一覽
    4小時前
  8. 【政情】林鄭提請國藥疫苗供港 專家憂審批陷兩難
    【政情】林鄭提請國藥疫苗供港 專家憂審批陷兩難
    4小時前
  9. 政府再劃受限區域 居民憂影響明早上班
    政府再劃受限區域 居民憂影響明早上班
    5小時前
  10. 佐敦檢測區擴大 深水埗原有指定區域保留
    佐敦檢測區擴大 深水埗原有指定區域保留
    5小時前