首次為車仔英超上陣即有入波。
(©AFP)
【Now Sports】車路士於周末英超頭場，以4:0大勝來訪的水晶宮，新兵捷維爾既有入球也有助攻。
這場周末英超早場戰況一面倒，車仔攻勢遠比對手多，但上半場顆粒無收，直到下半場5分鐘才由表現最搶鏡，今場為車路士在英超作地標戰的捷維爾（Ben Chilwell）在禁區內球不著地左腳抽射破網，16分鐘後，他左路助攻傳中予蘇馬頂入成2:0。
這位從李斯特城以4500萬鎊加盟的守將，以1個入球與1次助攻，慶祝個人第100場英超比賽之餘，亦成為史上第3位為車仔英超地標有波入又有助攻的球員，之前兩人是迪高及摩拉達。
其後車路士由佐真奴射入兩球12碼，終以4:0大勝，一洗周中在英聯盃被熱刺踢出局的頹風。水晶宮全場攻勢寥寥可數，錄得0中框埋門。