0
0
【皇馬復辟】球迷會女會長:為團隊精神感動

【皇馬復辟】球迷會女會長:為團隊精神感動

【Now Sports】一年多前球王施丹來一記「施丹轉身」,重掌皇家馬德里帥印,皇家馬德里香港球迷會女會長June當時接受sports.now.com專訪,對施丹回歸心存感激;事隔一年許,June再度受訪,為愛隊重奪西甲冠軍表示興奮,以下是訪問內容:

問:今季皇馬奪冠關鍵係咩?

June:本來諗住有夏沙特幫手,見佢同賓斯馬都幾夾,不過季中受傷,搞到施丹要出其他球員,反而令到皇馬今季實力同攻守更加平均。疫情令本來疫倦嘅球隊可以休息一下,阿辛斯奧又傷癒復出,另外班拿貝冇咗主場壓力都有啲幫助,因為皇馬之前主場數據比較差。另外,巴塞攻力好強但防守好弱咗,而佢哋有內部問題;馬德里體育會防守依然咁強,但冇咗射手(基斯文),但有啲影響。以上都係皇馬奪得西甲嘅關鍵。

問:邊個球員功勞最大?

June:有3個,分別係賓斯馬、沙治奧拉莫斯同埋古圖奧斯。賓斯馬上季冇基斯坦奴朗拿度後好似一路唔係好習慣,今季了解到自己要擔大旗,而施丹亦對佢好信任,場場畀佢落場,而佢都冇令我哋失望,大部份時間發揮得唔錯,入球數字直逼美斯,可能要鬥到最後一日至知(神射手)結果。就算唔計12碼,隊長拉莫斯入球依然係隊內第2多,而佢防守同帶領球隊方面都見隊長風範。古圖奧斯喺歐聯不適後愈戰愈勇,好多場都零封,正向金手套進發。

問:本季邊場波/入球最難忘?

June:係首循環作客華倫西亞,喺最後1分鐘,皇馬有個角球,好難忘古圖奧斯自己出嚟幫手頂,雖然頂中冇入,但由賓斯馬補中。呢1分好重要,因為(爭霸)係幾分上落。呢球係我比較難忘,施丹後來話唔係佢叫古圖奧斯去頂,而係古圖奧斯自發要出去幫手,展現皇馬合作同團隊精神令我好感動。

問:球迷會如何慶祝?

June:因為限聚令,而皇馬亦呼籲球迷唔好因為扲冠軍而令疫情惡化,所以等疫情過後再作決定。

問:來季展望/估計或最想咩球員加盟?

June:希望球隊加強把握力,球隊攻力夠,但見到好多門前失機,只係靠賓斯馬同埋拉莫斯入波都好吃力。自己希望球隊可以加個防中球員,因為卡斯米路好需要有人輪換。冇特別諗想咩球員加盟,希望睇吓(外借兵)奧迪加特有冇機會回歸,其實摩迪同卻奧斯都需要人輪換。摩迪仲可以踢得好好,但如果連續踢幾場都有疲態。久保建英雖然厲害,但仲可以喺其他球隊踢多陣,唔會要坐喺後備席,呢個都係皇馬嘅問題。占士洛迪古斯長坐後備,雖然施丹話對每個球員一樣,但就係睇到佢冇得出場,另外加利夫巴爾都係好球員,但可能已經唔適合球會,唔知去或留。作為球迷,見到有功勞球員最後都冇得出場,或者成日做後備,個心都唔係咁好受。希望呢方面球隊都有啲改變。

皇家馬德里香港球迷會

https://www.facebook.com/realmadridhkfc/

  1. 更多
  1. 丘應樺稱引入640間企業 料可超額完成施政報告目標
    丘應樺稱引入640間企業 料可超額完成施政報告目標
    6小時前
  2. 《華爾街日報》記者格爾什科維奇間諜案 俄羅斯法院開審
    《華爾街日報》記者格爾什科維奇間諜案 俄羅斯法院開審
    37分鐘前
  3. 盧寵茂指哪間院校能辦醫學院 視乎能否增優質學生
    盧寵茂指哪間院校能辦醫學院 視乎能否增優質學生
    46分鐘前
  4. 議員關注申辦暫託幼兒服務條件高 孫玉菡指樂意討論其他方法滿足要求
    議員關注申辦暫託幼兒服務條件高 孫玉菡指樂意討論其他方法滿足要求
    47分鐘前
  5. 機場周日航班資料系統故障 機管局再向公眾致歉
    機場周日航班資料系統故障 機管局再向公眾致歉
    49分鐘前
  6. 【世味天下】德國漢莎航空明年起徵收環保燃料費
    【世味天下】德國漢莎航空明年起徵收環保燃料費
    1小時前
  7. 【世味天下】調查指台灣人平均每三人就有一人曾遭詐騙
    【世味天下】調查指台灣人平均每三人就有一人曾遭詐騙
    1小時前
  8. 孫興慜父親涉於足球學校虐兒受查
    孫興慜父親涉於足球學校虐兒受查
    1小時前
  9. 【南豐旗下】AIRSIDE商廈出租率70% 料商場暑假營業額升15%
    【南豐旗下】AIRSIDE商廈出租率70% 料商場暑假營業額升15%
    1小時前
  10. 【「撤辣」後首轉跌】5月私宅樓價跌1.2% 料短期易跌難升
    【「撤辣」後首轉跌】5月私宅樓價跌1.2% 料短期易跌難升
    1小時前