0
0
【全體抗疫】安全「基本」跑

【全體抗疫】安全「基本」跑

【全體抗疫】安全「基本」跑

【Now Sports】最近大家都見到市面開始多返人出嚟,打招呼嘅時候一句「身體健康」變得貼心又窩心。做運動增強免疫力成為咗大部份人生活嘅一部份,大家喺Facebook或IG都會見到好多介紹家中fitness嘅video 同時亦見到好多人share行山要攞走自己口罩。抗疫期間,跑步又同平時有咩唔同呢?

撰文:劉德龍

呢段期間,跑步嘅重點唔係跑得有幾快同幾遠,而係點樣跑得安全。就等我哋睇下由你準備出門口前要留意啲咩:

1)喺屋企拉咗筋先

為免減少喺出面嘅停留時間,喺屋企做咗靜態同埋少量動態熱身先,落到街就可以開始慢跑。

2)一定要帶口罩落去

由你出門口到開跑前一定要帶口罩,可能中間只係幾分鐘嘅時間,正所謂「你唔驚,其他人都驚!」你諗下呢段期間,你喺街見到有人唔帶口罩,你會用咩目光去睇呢個人。Respect!

3)準備適當抗疫物資

如果你只係落樓下簡單跑個步,一個口罩同埋搵一個細袋或褲袋去袋住個口罩就夠,但如果你係去運動場跑步,我諗你準備好圖中啲抗疫物資就安全啲

(圖左一)酒精紙,用作清潔locker鎖嘅位置;

(圖左二)酒精搓手液,熱身前一定要用,因為你跑跑吓好多時候會忍唔住用手去抹汗;

(圖右二)酒精噴霧,噴一噴locker入面同埋你嘅袋;

(圖右一)洗手液,跑完步換衫前用,我諗你都見過一張洗手液發霉嘅相,會驚出面嘅洗手液唔安全;

以往有人咁樣做,你會覺得嗰個人有潔癖,但依家你見到有人咁做,你會安心同佢跑步。

4)跑完步帶返個口罩

如果我落街跑步,我跑完步第一件事係帶返口罩,返到屋企先做cool down。如果去運動場跑,飲完水就帶返口罩再cool down。你唔會知幾時會中招。

Well……點解會有分別?我習慣咗慢跑就落街,快跑先去運動場。你知啦,慢跑落運動場好易阻到人快跑。

5)跑步後減少聚餐

盡量減少一齊食飯,因為你唔知你嘅朋友嘅朋友有冇接觸過外遊人士,可能連你朋友本身都唔知道。盡量唔好邀請跑友食飯,其他人唔知點樣拒絕你,除非你對佢好有信心。一齊食都係自己食自己食物啦,你都唔想成為下一個「邊爐家族」,用公筷係基本嘢。

嘩,你講到咁,不如唔好去跑步。呢樣又唔得嗰樣又唔得。Well……我諗你都唔想日日喺屋企悶到爆,亦都唔想銀包未漲肚腩先漲,更加唔想你心愛嘅人為你擔心及為自己擔心。

非常時期,「基本」跑步做得足,對所有人都係好事,雖然上面講嘅野相當唔「基本」。

撰文:劉德龍

(鐘意跑步但唔叻)

Q:Actually……who are you?

Ans:Google me

【編按:全體抗疫,作為體育人更要積極面對疫情,本欄找來本地運動專家與現役運動員,為大家分享疫情下做運動的心得。逢周一及周四上載】

星期一 劉嘉豪

星期四 劉德龍

圖片來源 : 筆者提供

  1. 更多
  1. 本港失業率回升至6.6% 見16年來高位
    本港失業率回升至6.6% 見16年來高位
    3小時前
  2. 【即日焦點】失業率回升至十六年最高24.5萬人失業 學者料未見頂;花市重開規模減半 花農憂各項限制影響銷情
    【即日焦點】失業率回升至十六年最高24.5萬人失業 學者料未見頂;花市重開規模減半 花農憂各項限制影響銷情
    1小時前
  3. 政府決定重開十五個年宵花市 攤檔數目減半
    政府決定重開十五個年宵花市 攤檔數目減半
    1小時前
  4. 楊潤雄:教育局正研究在各科滲入國家安全教育
    楊潤雄:教育局正研究在各科滲入國家安全教育
    1小時前
  5. 花農贊成重開花市 憂各項限制措施影響銷售
    花農贊成重開花市 憂各項限制措施影響銷售
    1小時前
  6. 台灣桃園醫院感染群組續擴大 市長宣布停辦燈會及新春團拜活動
    台灣桃園醫院感染群組續擴大 市長宣布停辦燈會及新春團拜活動
    1小時前
  7. 【1月19日疫情速報】(18:40)
    【1月19日疫情速報】(18:40)
    1小時前
  8. 深水埗成第二個指定區域 區內設流動採樣站
    深水埗成第二個指定區域 區內設流動採樣站
    1小時前
  9. 本港新增56宗確診 四成屬少數族裔
    本港新增56宗確診 四成屬少數族裔
    2小時前
  10. 外交部:反對將病毒溯源問題政治化
    外交部:反對將病毒溯源問題政治化
    2小時前