雲帥麾下好像未齊腳，何時再入貨？
(©AFP)
【now.com體育】暑假呀，球員抖暑，球迷又抖暑！冇球賽討論，學生們見到我最多都是提吓out晒嘅「世界Cup」，最近提得較多的除季前熱身賽外便是轉會新聞（transfer news）！ 撰文：Kate Wong
猶記得當日雲高爾踏進奧脫福時，英國某報的標題為“All hail King Louis”我去問無所不知的球迷（即學生）如何解讀。「雲高爾到咗啦……嗰日奧脫福落雹！」說罷，眼角流露笑意。
“Hail”的確可以解作雹，但在此“all hail”其實是招呼語，用以表示熱烈歡迎。而於較早時期此乃「萬歲」的意思，若把“the king”放在其後，便是對皇上致敬。「即係話雲高爾好似king咁勁呀！」聽罷一位曼聯迷說。
的確，雲高爾知人善任，常提拔新人至一隊！同時他亦是一位戰術大師，其表現在世界盃及季前熱身賽也得到高度評價。雖然曼聯在國際冠軍盃及季前熱身賽未嘗一敗，但在引入新援卻不太如意。現時距離轉會窗口關閉尚餘兩周，曼聯管理層能否將雲高爾的心頭好帶到奧脫福球場呢？
無論如何，等咗咁耐，又開League，大家一齊陶醉足球啦！All hail Premier League!（英超萬歲！）
