港足慶功派85萬獎金 3港將冀有更多資源配套

【Now Sports】殺入亞運4強的香港足球隊今日舉行慶功宴，同時宣佈將發放85萬港元獎金慰勞一眾港將的努力，席上3名球員大談亞運經歷及對港足未來的期盼。

前天由杭州載譽歸來的港足眾將，今日馬不停蹄出席慶功宴，當中李毅凱、潘沛軒及謝家榮上台分享此次旅程感受。作為隊中老大哥的李毅凱說：「超齡球員身份帶住一班U23球員係好大責任，希望幫到佢哋喺之後嘅比賽有進步。」

至於在賽後哭成淚人的門神謝家榮謂：「完咗場銅牌戰之後，同隊友講咗啲唔出得街嘅嘢，所以唔方便喺到講。但心情已經平復落嚟，畢竟仲要準備星期四嘅比賽。」

對伊朗一箭定江山的潘沛軒則稱：「今次亞運令我學習到逼搶戰術，要再進步學習逼搶足球嘅話，可以學習球會嘅外援例如傑志嘅明加索夫，呢個係一個好好嘅方向。」

3名港將同時被問到對港足有何願望時，各人異口同聲地表達出對增加本地足球資源的期盼。李毅凱認為球隊擁有一個真草訓練基地，有助提升球員表現；潘沛軒則希望能夠安排更多直播，深感球迷背後的支持有助提升士氣；而謝家榮冀望球場設施方面可以改善，指不希望每每練習完結後也被趕走，直言此事難受。

領軍征戰亞運的主帥安達臣席上也大談此行感受，他坦言：「香港球迷開始理解我嘅足球哲學，不過年輕球員要明白戰術，要訓練多啲先可以有咁嘅效果。」

被問及提升整體港足水平的建議時，安帥指出：「球會嘅訓練時間往往比國家代表隊多，寄望港超聯可以增加比賽節奏及速度，提升自身聯賽水平係相當重要。」與此同時，他希望本周四對不丹的主場戰，能夠有2萬名球迷入場為港隊打氣。

香港隊周四晚上8時將於香港大球場，與不丹上演世界盃亞洲區外圍賽第1圈首回合賽事。