0
0
【球迷會請入】拿玻里躉:快啲搞搞條防線!

【球迷會請入】拿玻里躉:快啲搞搞條防線!

Jonathan一人統籌專頁。 (筆者提供)

【Now Sports】常言道創業難,守業更難,拿玻里今季衛冕意甲面臨重大考驗,而歐聯前景又如何?不如問一問拿玻里香港球迷專頁版主Jonathan。

Q可否簡介一下你哋群組?

專頁全名叫Forza Napoli Sempre拿玻里香港球迷專頁,2017年創立。身為版主嘅我開始迷上拿玻里,大概係2013/14年賓尼迪斯年代,後嚟見香港搵唔到同拿玻里有關嘅球迷會/專頁,所以索性自己膽粗粗開一個Fb專頁,希望多啲人可以講下呢隊波以至個城市,同埋可以有多個渠道,接收球會同球員嘅新聞。不過由於個專頁大部份時候都係一個人打理,所以規模好細,不過我哋都開設咗個通訊群組畀大家傾下計,以我觀察,大部份人睇拿玻里都唔算好耐,同我差唔多。

Q有冇同拿玻里球會官方,或者其他意大利球迷群組有聯繫?

以我所知,拿玻里冇好似其他球會咁有官方認可球迷會,加上專頁都係一個人打理,要安排活動其實好困難,所以開始時都係以專頁嘅方向經營。不過成立咗冇幾耐,有其他喺香港嘅意甲專頁/球迷會嘅搞手,邀請我一齊搞踢波活動,可惜疫情之後就冇再聯絡,版主仲要搬咗去英國住,希望有心人可以幫手喺香港搞下活動啦!

Q強敵環伺,今季衛冕意甲最關鍵係咩?

上年奪冠前嘅拿玻里,穩定度不足一直係最後衝冠失敗嘅主要原因,不過上季其他前列隊對中下游隊都失咗唔少分,反而拿玻里就一直保持穩定水準。如果今季要衛冕,起碼新教練魯迪加西亞要識用隊波嘅人。當然今年後防買人策略失敗,球會同教練要快啲搞搞條防線。

Q拿玻里今屆歐聯分組賽旗開得勝,對今屆前景有咩睇法?

上屆隊波能夠殺入8強的確唔容易,今季照計出線機會都唔細。不過換教練加上後防嘅金玟哉離隊,以依家後防表現肯定應付唔到其他強隊,我估隊波最遠去到16強。

Q除了球王馬勒當拿,如果要揀拿玻里歷來最具代表球員,會係邊3個?

我年資比較短,即刻諗到兩位——卡雲尼、咸錫,第3位冇理由唔包去季奪冠成員,就揀隊長迪羅蘭素啦!故事勵志之餘又好鍾意球會。

Q球迷會未來有咩計劃同活動?

如果有人幫手搞下睇波,或者買波衫團應該唔錯!

Q 可否推介一個同你哋友好嘅本地球迷會/群組?

意甲大本營,之前成日tag我哋個page:多謝你哋!

相關文章:

【球迷會請入】德友:為重召湯馬士梅拿驚訝

https://sports.now.com/home/news/details?id=38848258625

【球迷會請入】逢隔周五上載。歡迎各球迷會與群組分享你們的故事與活動,不妨到「球十三」fb專頁留言。

  1. 更多
  1. 預算案大幅減甜市民批懲罰中產 陳茂波︰政府財政有壓力冀市民諒解
    預算案大幅減甜市民批懲罰中產 陳茂波︰政府財政有壓力冀市民諒解
    45分鐘前
  2. 【中國評論】「新質生產力」成為主要話題
    【中國評論】「新質生產力」成為主要話題
    21分鐘前
  3. 美國頒行政命令禁止民眾個人資料轉移至中國等國家
    美國頒行政命令禁止民眾個人資料轉移至中國等國家
    33分鐘前
  4. 英國外相卡梅倫對23條立法表示關注 中方對言論表示堅決反對
    英國外相卡梅倫對23條立法表示關注 中方對言論表示堅決反對
    36分鐘前
  5. 多位港區政協啟程前往北京 準備參與兩會
    多位港區政協啟程前往北京 準備參與兩會
    37分鐘前
  6. 議員擔心加煙稅令煙民轉食私煙 陳茂波:繼續推行
    議員擔心加煙稅令煙民轉食私煙 陳茂波:繼續推行
    43分鐘前
  7. 長遠煙草政策關注組:加煙稅對降低吸煙率無幫助 反令私煙問題加劇
    長遠煙草政策關注組:加煙稅對降低吸煙率無幫助 反令私煙問題加劇
    1小時前
  8. 法國參議院通過將墮胎列為受憲法保障的自由
    法國參議院通過將墮胎列為受憲法保障的自由
    1小時前
  9. 王毅:中國支持推動聯合國安理會改革
    王毅:中國支持推動聯合國安理會改革
    1小時前
  10. 觀塘綫、荃灣綫及港島綫列車服務回復正常
    觀塘綫、荃灣綫及港島綫列車服務回復正常
    1小時前