0
0
【鏟草男女】直到最後,去吧皇馬!

【鏟草男女】直到最後,去吧皇馬!

【鏟草男女】直到最後,去吧皇馬!

【Now Sports】上個月,西甲頭幾位仲係3分之爭,而剛剛星期四凌晨,皇家馬德里主場以1:0贏畢爾包後,已經喺西甲以7分領先緊皇家蘇斯達同踢少場嘅馬德里體育會。安察洛堤賽後表示連贏7場唔係好彩,而係韌力。

撰文:June

唔知大家有冇印象,安察洛堤喺2014/15年球季任教皇馬,曾經有過22場連勝嘅紀錄,而呢個紀錄到2020/21年球季先俾拜仁以23場打破。今季皇馬踢20場只係輸咗兩場,安察洛堤絕對唔係靠運,但當然有球迷都唔滿意皇馬下半場捱打。

安察洛堤就解釋,畢爾包係一支優秀球隊,冇踢歐洲賽,而且比皇馬休息多兩日,上半場趁大家有體力時把握機會,下半場雖然辛苦啲,但佢反而比較滿意。佢表示自己覺得開心,因為有韌力,捱得都係皇馬嘅優點,無論技術、精神,同埋踢逆境波嘅能力,都係非常重要。球員可以一齊捱打,捱得嚟又唔失波其實好難,所以安察洛堤多謝門將古圖奧斯嘅撲救。

佢所謂嘅捱得,其實都係皇馬精神嚟。啲人成日問我皇馬精神係咩?就係各皇馬迷都會見過嘅呢一句:"Hasta el final, vamos Real!"

呢度嘅final唔係解作決賽,而係解最後,字面翻譯就係「直到(比賽嘅)最後,去吧皇馬(加油)!」呢句就係提醒球員同球迷,未完場前都要撐落去!估計應該同依家好興嘅一句,「搏盡無悔」差唔多!

撰文:June

旅皇迷一名。喜歡旅行,喜歡足球;享受在場邊搖旗吶喊,經歷足球的喜怒哀樂。

圖片來源 : ©AFP

  1. 更多
  1. 東鐵綫過海段通車 上班一族普遍稱節省十分鐘
    東鐵綫過海段通車 上班一族普遍稱節省十分鐘
    4小時前
  2. 港大及中大研究指已打針新冠患者對病毒產生更強烈抗體反應
    港大及中大研究指已打針新冠患者對病毒產生更強烈抗體反應
    5分鐘前
  3. 本港增234宗確診 御善私房菜和星月樓群組擴大
    本港增234宗確診 御善私房菜和星月樓群組擴大
    8分鐘前
  4. 消委會:逾八成沖洗式髮膜含致敏物質
    消委會:逾八成沖洗式髮膜含致敏物質
    26分鐘前
  5. 【5月16日疫情速報】(16:45)
    【5月16日疫情速報】(16:45)
    33分鐘前
  6. 歐洲歌唱大賽六國懷疑涉及舞弊
    歐洲歌唱大賽六國懷疑涉及舞弊
    43分鐘前
  7. 南韓推測北韓疫情比官方公布嚴重 提議磋商合作防疫
    南韓推測北韓疫情比官方公布嚴重 提議磋商合作防疫
    46分鐘前
  8. 經民聯與李家超會面 冀盡快通關及機場設一地兩檢
    經民聯與李家超會面 冀盡快通關及機場設一地兩檢
    55分鐘前
  9. 聶德權:需要繼續推高第三針接種率加強免疫屏障
    聶德權:需要繼續推高第三針接種率加強免疫屏障
    56分鐘前
  10. 65歲或以上長者下月起分階段申請「樂悠咭」
    65歲或以上長者下月起分階段申請「樂悠咭」
    1小時前