【今晚七點半，一齊睇黃澤林大戰麥維迪夫！】
周日晚一齊睇Now TV 630台免費直播^，撐黃澤林挑戰麥維迪夫！22歲香港網球「一哥」黃澤林(Coleman Wong)，成功殺入ATP 250杭州網球公開賽八強，周日將硬撼頭號種子、世界排名第六嘅麥維迪夫，亦係Coleman網球生涯當中，遇過世界排名最高嘅對手！
Coleman今次賽事狀態大勇，頭兩圈先後淘汰中國球手張之臻，以及世界排名第58位、巴拉圭球手華拉荷，令Coleman即時世界排名回升至第100位！
周日Coleman八強將要迎來硬仗，挑戰頭號種子、世界排名第六嘅麥維迪夫，呢位30歲俄羅斯名將，職業生涯六次打入大滿貫決賽，當中2021年擊敗祖高域勇闖美網冠軍，世界排名一度升上第一，更贏過23項ATP巡迴賽錦標，實力非常強勁。
不過隨著冼拿及艾卡拿斯崛起，麥維迪夫近兩年都無再打入大滿貫八強，但今年仍然贏過兩項ATP巡迴賽冠軍。而Coleman近兩年卻錄得，戰勝世界排名前列球手嘅戰績，包括去年擊敗世界排名第14位、應屆美網亞軍舒爾頓，今年七月亦曾贏過世界排名第12位、捷克「一哥」利希卡。
到底Coleman能否再次擊敗強敵、殺入四強？呢場男單八強大戰，將會喺周日晚上七點半，於Now TV 630台免費直播^。大家記得準時收睇，一齊撐Coleman！
ATP 250杭州網球公開賽 八強
黃澤林 對 麥維迪夫
9月27日(日) 19:30*
630台免費直播^
*實際直播時間，將視乎之前比賽完成時間而定。所有節目內容及賽事取決於權利持有人及/或賽事主辦單位的取消及/或暫停。賽事日期及時間可能會不時變更，請參閱權利持有人及賽事主辦單位官方公佈以獲得最新資訊。
^登入Now TV App或透過機頂盒免費收看。
