【A&M Diary】食大排檔，除咗鑊氣，最重要就梗係氣氛啦！位於旺角音樂大排檔，餐廳以昔日嘅歌廳為設計特色，除咗可以大展你嘅歌喉之外，旺角音樂大排檔仲會配合唔同嘅音樂主題，邀請歌手作現場音樂表演添；加埋大排檔嘅地道風味，氣氛一流，直頭好似去咗大笪地。
旺角音樂大排檔：酸辣皮蛋滑豆腐
前菜揀咗酸辣皮蛋滑豆腐，旺角音樂大排檔嘅大廚以大量辣椒、蒜頭同香醋調製，酸酸辣辣，非常開胃！皮蛋軟綿香口，豆腐豆香嫩滑，令口腔內百味雜陳，非常驚喜。
酸辣皮蛋滑豆腐香煎陳皮鱔
旺角音樂大排檔：香煎陳皮鱔
大火煎煮嘅過程，完美迫出鱔魚豐富嘅魚油馥香，而白滑嘅鱔魚外層披住金黃色嘅油脂外衣，煎至口感皮脆肉嫩。成日都會擔心鱔魚會有泥味，所以旺角音樂大排檔特意加上陳皮絲，令魚肉帶有陣陣嘅陳皮幽香同甘甜味。
香煎陳皮鱔
