【A&M Diary】幸屋係灣仔嘅人氣排隊餐廳，主打博多豚骨拉麵，而一值人氣高企嘅原因，全因為每日用新鮮豬骨熬煮嘅豚骨濃湯，對拉麵的口感與層次非常講究，誠意十足 。另外，幸屋店內外都充滿濃厚嘅日本小店氛圍，由門外嘅燈籠同招牌，再以原木色裝修與暖黃燈光交織，瞬間將人帶入日式食堂嘅氛圍。
幸屋：鹽燒牛舌
幸屋主打拉麵，但店外又寫住居酒屋，咁貪心得唔得架？由踏入幸屋開始，就撲鼻而來香濃嘅豚骨高湯，再感受到串燒嘅香氣，原來兩者都可以並存！其中鹽燒牛舌嘅火喉啱啱好，好香海鹽同黑椒味，牛舌雖然唔係唔係厚切，但同樣充滿口感。
幸屋：黑豚秋葵串
黑豚燒到有少少焦香，油香十足，肉味香濃；而清新嘅秋葵則減輕黑豚嘅油膩感，配搭得宜。
幸屋：茄子串燒
平時食茄子串燒，多數都係原條開邊燒，但幸屋則選擇直接切件燒，估唔到完全乾身，加上秘製嘅燒汁，非常惹味！
幸屋：金武士
幸屋主打九州博多嘅豚骨拉麵，再細分為金武士（原味豚骨）、黑武士（黑蒜油）、赤武士（地獄）、銀武士（味噌）同限定王（魚介）。第一次食當然就先試試原味嘅金武士。豚骨湯底非常濃郁，湯色呈奶白色，肉味香濃，油粉豐厚，掛湯能力一流！配料有齊木耳、紫菜、半熟蛋、椰菜、蔥等，至於主角之一嘅叉燒，有肥身啲嘅豚角煮同瘦啲嘅普通叉燒，其中豚角煮脂肪多啲，所以肉質香化，非常驚喜！麵條就揀咗白麵，比較粗身，入口好滑，掛湯能力都唔錯！
