【A&M Diary】荃灣一向都係美食天堂，除咗本地嘅小店，仲有唔少東南亞嘅地道風味選擇。當天氣又熱又濕，如果你都無乜胃口嘅話，最啱就係食酸辣醒胃嘅泰國菜喇！推介嘅泰榮泰國餐廳位於荃灣路德圍，餐廳出品抵食夾大件，而且極具泰國傳統風味。
泰榮泰國餐廳：青胡椒炒鮮魷+蒜蓉包條
鮮魷索晒青胡椒同各種配料嘅香味，味道微辣但非常清新，口感彈牙，魷魚鮮甜。將濃郁嘅醬汁同配料放上蒜蓉包上，香味更上一層樓。
青胡椒炒鮮魷
泰榮泰國餐廳：青檸汁燒牛扒
泰榮泰國餐廳嘅燒牛扒嘅生熟程度啱啱好，所以牛肉肉質軟嫩，肉味甚濃。上面舖滿以紅椒粒同青檸汁混合過嘅醬料，外表鮮艷奪目，視覺吸引之餘，仲令油膩感大幅度減少。
青檸汁燒牛扒
