【A&M Diary】講到去荃灣搵食，火鍋、米線、街頭小食，相信大家都有唔少心水。不過如果想食一餐夠鑊氣、夠地道，又帶住老字號情懷嘅潮州打冷，咁就一定要試試開業多年嘅明記海鮮潮州菜館喇！明記海鮮潮州菜館主打傳統潮州風味，無論係滷水、熱炒定特色小菜都做得相當有水準，款款都誠意十足，份量夠大之餘味道亦係傳統嘅潮州味呢！
明記海鮮潮州菜館：韭菜豬紅
韮菜味非常香濃，新鮮無渣；明記海鮮潮州菜館嘅豬紅爽滑彈牙！份量十足，非常抵食。
韭菜豬紅
明記海鮮潮州菜館：滷水雜拼加滷水鵝片
滷水絕對係打冷必食！想款款滷味都食齊，就一定要叫明記海鮮潮州菜館嘅滷水雜拼加滷水鵝片。滷水雜拼有齊鵝腸、大腸、墨魚、紅腸、豬頭肉、鵝腎，滷水汁香濃，而且每一款都滷得非常入味。至於鵝片嘅鵝香味十足，油香豐富，同樣惹味。
滷水雜拼加滷水鵝片
