【A&M Diary】喺生活步伐急促嘅香港，有時真係好想稍作休息，放慢腳步不如就take一個Coffee Break啦！位於旺角嘅Coffee Break，就可以讓你嘅生活暫緩，用一杯咖啡、甜品同美食去滿足你挑剔嘅味蕾，喺鬧市之中搵返屬於自己嘅一點寧靜。
Coffee Break：八爪魚莎莎沙律陪香草青醬
Coffee Break嘅八爪魚莎莎沙律陪香草青醬以彈牙爽口八爪魚為主，配上新鮮爽脆嘅沙律菜及香濃嘅青草醬，非常清新！
八爪魚莎莎沙律陪香草青醬
Coffee Break：白酒忌廉煮紐西蘭青口
白酒忌廉係Coffee Break嘅秘製醬汁，非常香濃Creamy！至於青口索晒濃郁嘅忌廉汁，帶有淡淡嘅酒香，加上自身嘅鮮甜味道，味道充滿層次。
白酒忌廉煮紐西蘭青口
Coffee Break：香煎安格斯封門牛柳配香草牛油
Coffee Break嘅大廚將五成熟嘅安格斯封門牛柳煎得啱啱好，大火煎香咗表面，而內裏仍然保留粉嫩嘅肉質，口感軟腍而肉味香濃，仲帶有少少焦香感。
香煎安格斯封門牛柳配香草牛油
