【A&M Diary】一間cafe最重要係一杯咖啡定係一份甜品呢？計我話最重要就梗係好味之餘，仲可以打卡啦！位於粉嶺嘅而今小棧，雖然係區內嘅小店cafe，但採取半開放式設計，坐得舒服，仲有最近大熱嘅卷卷意粉呢！
而今小棧：龍蝦汁卷卷意粉配大蝦
卷卷意粉掛上非常香濃嘅龍蝦汁，加上卷卷卷意粉特別彈牙，真係惹味之餘，口感亦一流。雖然卷卷意粉搶晒風頭，但大蝦亦新鮮彈牙，加上伴碟嘅蒜蓉包，輕易就成為而今小棧打卡菜式啦！
而今小棧：極上魚柳漢堡
炸到鬆脆香口嘅魚柳，配上新鮮爽口嘅生菜、鮮甜嘅蕃茄片、半溶芝士片、再加上魚柳包必備嘅他他醬，雖然係老是常出現嘅經典配搭，但又會令你深深愛上。
