【Viu】昨日（25日）聖誕節，亦係姜濤《KEUNG TO "LAVA" LIVE 2025》第8場，姜Admin除咗祝大家聖誕快樂，仲送上菲道爾嘅《阿拉斯加海灣》做「聖誕禮物」，期間一度唱到眼濕濕！
聖誕驚喜當然Double Up，昨晚請嚟「金曲歌王」蕭敬騰做嘉賓，先唱《新不了情》，飆高音飆得超High呀！老蕭以「濤濤」嚟暱稱姜濤，又即席約打波，仲送上姜Admin最愛嘅「漢堡包」做禮物，呢個漢堡包仲係月曆嚟，聽到姜Admin嗌肚餓時，又搞笑叮囑姜濤唔好食咗佢，So Sweet！
其後兩位行出小舞台唱《王妃》，老蕭仲激讚姜濤係「唱將」，又讚佢嘅震音超獨特，姜濤即搞笑話係學姜媽嘅。想睇姜濤見偶像蕭敬騰有幾High，記得睇現場實況！
