【A&M Diary】喺歐洲嘅藝術館睇展覽，仲可以品嚐美食，係唔少人歐遊必去嘅活動之一。但原來近近哋，喺尖沙咀嘅B&B Oyster Steakhouse都可以滿足到你嘅要求。前身為畫廊嘅B&B Oyster Steakhouse，牆身除咗掛滿充滿藝術感嘅畫作，更有駐場歌手演唱。加上精緻嘅美食，成就一場視覺、聽覺、味覺、嗅覺嘅盛宴。
生蠔
頭盤就揀咗嚟自愛爾蘭同法國嘅生蠔！雖然產地不同，但兩者都非常肥美鮮甜，而且蠔身自帶淡淡嘅海水味，非常滿足。
海鮮意大利飯
意大利飯軟硬適中，粒粒都飽滿住香氣四溢嘅龍蝦濃湯，加上拉絲芝士嘅加持，味道非常香濃。至於配料用上大量新鮮嘅海鮮：蝦、龍蝦、青口、蜆等等，令海鮮意大利飯更具層次。
