【A&M Diary】荃灣出名多野食，但你的荃灣美食清單有越南菜嗎？位於荃灣嘅Ha Noi越南菜，係當區新開而且人氣高嘅越南菜。由各種嘅越式小食、越式牛河，甚至越式甜品，價錢實惠親民，選擇多之餘，部份食材調味料更係源自於越南，能讓你感受正宗嘅越南味道，令你越食越滿足。
河內小食拼盤
每次去越南餐廳，大埋頭嘅小食拼盤真係走唔甩：越式炸春卷、香茅雞翼同手打蝦餅炸得非常香脆、安南鮮蝦米紙卷則由滿滿嘅鮮蝦填滿整個米紙卷，加上用清新爽口嘅生菜包裹住，口感一流，加上微酸嘅魚露，非常清新。
西貢牙車快
啖啖肉嘅手撕雞肉，加上爽脆嘅椰菜絲同蘿蔔絲，口感豐富。撈埋魚露、花生等配料，更令人非常醒胃。
