抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】去年「流標」後拆細重推的港鐵公司東涌東站一期項目，已於今日(21日)下午截收意向，合共收到33份意向書。港鐵表示，透過鐵路加物業的融資方式步伐是不可以停下來。
樓市氣氛在減息周期展開後，出現輕微回暖迹象，去年曾因「零標書」要收回的東涌東站一期項目，相隔1年，拆細後重新推出招標。
港鐵物業及國際業務總監鄧智輝說:「今次喺呢個時候推出項目，因為我哋要重新做一啲規劃工作，同埋檢視咗上次招標後，我哋有好多設計上及規劃上嘅事需要重整。」
他承認，雖然物業市道不太好，但港鐵發展不能停步。
鄧智輝說:「近兩年物業市道氣氛唔係咁好，亦見到好多價格調整，但對長遠房屋供應，同埋對我哋籌集資金，透過鐵路加物業嘅融資方式起鐵路，我哋嘅步伐係唔可以停來嚟。」
東涌東站項目位於東涌市地段第53號，並位於興建中東涌綫延綫東涌東站對面，港鐵表示，2029年底通車目標不變。
鄧智輝又稱，雖然樓市仍處於整固階段，但現時招標的土地要3至4年後才開始賣樓，相信屆時市況已很不同。
鄧智輝說:「政府嘅措施，同埋大家見到利息開始慢慢減落嚟，呢啲都係樓市利好因素，樓市大家都要知道，到最後
始終都有需求，因為係畀人住。」
此外，東涌東站住宅樓面面積上限32萬平方呎，港鐵透露，預期整個項目分7至8期發展，提供購物、社區設施及公共運輸交匯處配套，估計第一期可提供600個單位，涉及兩幢大樓。
另一方面，對於港鐵未能就倫敦伊利莎伯線續約，鄧智輝回應指，參與投標「唔係贏就係輸」，強調集團國際業務策略不變，會以審慎理財方式評估本港以外其他項目。
