為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【Now新聞台】有投資移民顧問表示，「新資本投資者入境計劃」(CIES)容許投資住宅物業後，有申請人加快在港入市，期望當局繼續提供誘因，吸引高資產人士落戶香港。
《施政報告》提出將5000萬元或以上住宅物業，納入「新資本投資者入境計劃」計算金額，上限為1000萬元。
有投資移民顧問表示，近日有來自內地的投資者加快入市，連同他們帶來的銀行存款，估計為本港帶來龐大的資金。
投資移民金融專業協會首席政策顧問陳家軒說:「房地產都計算1000萬元喺豪宅投資，佢(申請人)都買多咗1層超過1億港元嘅樓，成個北京客戶過嚟，佢喺香港總體投資額就超過6億元。佢見到個政策出，會覺得有更加多錢喺豪宅市場，佢本身都決定買(物業)，又驚多咗競爭對手，咁不如依家就決定，加速咗個決定及步伐，但其實冇改變到本身唔想買嘅變成想買。」
他指出，他們協助的個案平均個人資產值約20億元，財富質素較舊計劃下的資本投資者有所提升。
陳家軒說:「我哋發現有啲朋友申請，其實佢有自己嘅時間考慮，例如小朋友要趕住攞簽證讀書，又或者佢嘅企業安排緊上市等，都有呢啲時間上嘅考慮，所以如果時間上可以明確的話，甚至開一條Fast Track，即快速通道，可能投資銀碼係唔同嘅，我相信佢哋都唔介意。」
他又建議，將高才通A類，即年收入達250萬元的申請人須提供的收入證明，由以往1年收緊至兩年，避免高資產人士向自己發高薪，再轉換至高才通計劃。
政府亦應鼓勵具財務實力人士，選擇投資移民或設立家族辦公室。
陳家軒說:「投資移民嚟咗香港，擺咗3000萬元喺度，每年都會產生利息收入，佢哋都會喺本地消費，當然，香港亦需要更多人才， 佢哋可以喺度創造就業，或者賺取收入，兩者嚟講，其實我哋覺得速度或財富效應，應該帶動消費嘅效果高好多。」
他又稱，按政府現時的進度推算，計劃推行首年將有約900宗申請，預期涉及約270億元投資額，不過，跟舊計劃的平均每年4000宗，合共共400億元的投資額仍有差距，希望當局可以加強宣傳。
