【A&M Diary】小學喺粉嶺讀書嘅A姐，佢成日同我話說當年。當年聯和墟街市仲未搬，呢個墟市車水馬龍，而適雅餐廳就有好多佢嘅回憶。當時嘅適雅餐廳喺北區絕對係名店，價錢一啲都唔平，只有考得好成績，A媽先會帶佢去食個lunch，慶祝一吓。時移世易，聯和墟嘅畢打奧餐廳搬咗去上水石湖墟，價錢仲好大眾化，今日就同佢回味一吓啦。
餐廳分為兩部份，一邊係酒吧，另一邊就係西餐廳，餐廳嘅燈光好柔和，氣氛一流，而設計仲好懷舊，甚有平行時空嘅感覺。
焗法國田螺
A姐話焗法國田螺係適雅餐廳嘅必點項目，仲話佢由細食到大！半打嘅有殼田螺（有殼真係重點嚟）加入蒜蓉調味，好香呀！而墊底嘅薯蓉索晒味，微焦，好好味！
煙三文魚沙律
一碗嘅沙律都有兩塊煙三文魚，好抵食！沙律菜份量唔少，人夠晒爽脆新鮮。
