【Viu】Anson Kong憑《打天下2》提名《第29屆釜山國際影展（BIFF）》中「亞洲內容暨全球OTT大獎」嘅「最佳男新人」獎，今朝啟程去釜山，準備聽晚Sharp醒現身頒獎禮，孖韓國、泰國、台灣男神邊佑錫、蔡鍾協、金耀漢、Metawin同曾敬驊角逐獎項，大家齊齊集氣今屆嘅唯一香港代表AK一擊即中，為港爭光啦！
AK坦言今次抱平常心，但為咗個靚仔樣，今晚唔可以喪食韓國美食，聽晚完咗頒獎禮先大解放呀！曾經喺韓國做練習生嘅老闆，又即席晒韓文，相信各位生粉一定聽到心心眼！雖然今朝要去機場，但AK噚晚都有去睇偶像太陽演唱會，仲分享咗一個同太陽嘅小秘密，係咪好想知呢？
此外，AK預告會現身903足球賽，一展「荃灣托利斯」嘅好腳法，仲自爆日前練波趣事，想知就loop爆足本訪問啦！
