【A&M Diary】元朗出名多嘢食，除咗大馬路一帶嘅地道餐廳小食之外，如果識得發掘嘅，其實仲有唔少靚靚打卡cafe！其中呢間走工業型格風嘅Proton，以灰黑色為主調，同人煙稠密嘅元朗形成強烈對比，所以放假就嚟到Proton，讓生活放慢步調，享受一份精緻嘅午餐。
炸雞、炸蝦，炸單骨雞翼、脆香軟殼蟹、薯條
呢個炸物拼盤份量十足，雖然邪惡度高，但同朋友嘆住咖啡share嚟食，真係唔錯！炸雞嘅外皮炸到香脆肉嫩，啖啖都係肉汁；炸蝦非常彈牙，好似食緊天婦羅咁；炸單骨雞翼就夠入味！整體嚟講，炸物質素相當有驚喜。
