【A&M Diary】喺英國行得最多一定係超級市場，可以買到生活所需，係移民英國或者打算嚟英國生活嘅朋友必睇嘅攻略。我哋就為大家整理咗以下10大英國超級市場品牌特色，同邊間英國超級市場有多啲香港或亞洲嘢賣，從價位、特色、會員計劃，甚至禮品卡等至平英國超級市場購物攻略。
英國低價超市2024：Lidl、ALDI
英國平價超市2024 ：ASDA、Sainsbury’s、Tesco
英國中價超市2024：Marks & Spencer Food、Morrisons、Co-Op
英國高價超市2024 ：Waitrose
英國冷凍超市2024 ：Iceland
英國超市比較2024 | 10大英國超市推薦1：Lidl (英國低價超市)
英國超市比較2024 | 10大英國超市推薦 | Lidl係嚟自德國嘅超低價英國超級市場品牌，喺英國有超過800間分店，完全打正低價旗號！廣告強調喺Lidl同其他英國超級市場買一籃子同種類產品，Lidl係平成20%。不過Lidl賣嘅產品多數都係自家品牌，比較難搵到大牌子嘅產品。另外，Lidl嘅蔬果種類非常齊全，而且都好新鮮。不過Lidl店鋪比較擠迫同混亂，好多貨品都係喺紙箱入邊，家品部完全係雜架攤，所以我哋都好少去Lidl。
特色：以低價為招徠
會員計劃：精明嘅你當然要申請埋Lidl Plus會員，逢星期四都會有新優惠券，只需要每個月達到指定消費金額，就會有免費麵包或現金券，真係好抵！
英國超市比較2024 | 10大英國超市推薦2：ALDI (英國低價超市)
英國超市比較2024 | 10大英國超市推薦 | ALDI同樣係來自德國嘅超低價英國超級市場品牌，喺英國擁有900幾間分店。佢同Lidl好相似，大部份嘅貨品都係自家品牌，比其他英國超級市場平。每星期仲有六款新鮮食品特價，質素都好好。不過ALDI嘅店舖比Lidl整齊同乾淨，所以我哋比較鍾意ALDI。
特色：以低價為招徠
會員計劃：無
英國超市比較2024 | 10大英國超市推薦3：ASDA (英國平價超市)
英國超市比較2024 | 10大英國超市推薦 | ASDA係Walmart旗下嘅英國超級市場品牌，喺英國有超過600間分店，多數分店都係偏離市區嘅地方。不過ASDA嘅貨物齊全，大型Superstore 24小時營業（星期六、日除外），設有眼鏡舖、藥房、戶外傢俬部、就連大型電視都有得賣。ASDA有唔少嘅亞洲食品選擇，有歐洲版出前一丁、韓國辛拉麵、李錦記醬汁等。最吸引嘅係價格比Tesco和Sainsbury’s平，絕對適合一次過去大量採購！
特色：價錢平，不過分店唔多，多數都係偏離市區嘅地方先有分店
會員計劃：大家一定要做埋ASDA Rewards會員，每次買嘢都可以完成唔同嘅任務，可賺取獎賞同優惠券，買精選產品仲有額外優惠添！
英國超市比較2024 | 10大英國超市推薦4：Sainsbury’s (英國平價超市)
英國超市比較2024 | 10大英國超市推薦 | Sainsbury’s係英國第二大嘅超級市場，有超過1400間分店，去親邊度，都總會見到一間Sainsbury’s或者Sainsbury’s Local。店舖乾淨企理，價錢較Waitrose同M&S Food平，屬於平價英國超級市場。Sainsbury’s仲設有熟食攤檔同麵包舖，而Sainsbury‘S Local都係比較細，提供生活必需品同基本蔬果食材。最正嘅係Sainsbury’s有唔少嘅亞洲食品選擇，有歐洲版出前一丁、韓國辛拉麵、李錦記醬汁等。
特色：分店遍佈英國，設有亞洲食品World Food專區
會員計劃：Sainsbury’s超級市場嘅會員計劃叫做Nectar，類似香港嘅易賞錢，除咗係Sainsbury所以儲分之外，仲可以喺Argos、eBay、Esso、Nectar Hotels同其他合作夥伴儲分，積分可以換領優惠同產品。佢仲會根據你購買嘅貨品，送你專屬嘅優惠券同Sainsbury’s SmartShop限定嘅My Nectar Prices優惠！
英國超市比較2024 | 10大英國超市推薦5：Tesco (英國平價超市 )
英國超市比較2024 | 10大英國超市推薦 | Tesco係英國最大嘅超市品牌，英國有3000幾間分店，真係總有一間係你左近。Tesco嘅價錢同Sainsbury’s差唔多，貨品選擇種類都幾多。Tesco Extra規模最大，商品最齊的，除咗一般超級市場物品之外，仲有電器、衣服、文具生活用品等，仲要係24小時營業（星期六、日除外）。而Tesco Superstore就比Tesco Extra細啲，不過選擇都仍然好多，只係非食品嘅選擇會比Tesco Extra少。至於，Tesco Express店舖較細，類似便利店，提供基本生活用品同蔬果食材。
特色：分店最多，總有一間係你附近
會員計劃：Tesco Clubcard會員係一定要申請，因為店舖有大量會員專享優惠，而且每次購物都可以儲分，換現金券。
