【裝修佬】繼去年多地爆發「床蝨危機」，更傳出有過境巴士被發現有床蝨！農曆新年就快到啦，又適逢港人旅行旺季，裝修佬今日就教下點樣為年廿八大掃除做好準備之餘，再教埋你大家點樣做足回港後嘅防蝨措施！
4個洗衣機易忽略清潔細節位！
年廿八洗邋遢，屋企每個角落一定要清潔得乾乾淨淨，準備好過新年。好多人都會趁機洗曬屋企啲衫，但係其實洗衣機都一定要徹底清潔，唔係啲衫只會愈洗愈污糟。裝修佬一於教大家正確清潔洗衣機4個容易忽略嘅細節位！
防蝨不能不知的家居清潔盲點！
臨近新年長假期，有唔少人都會去旅行，但係依家多地爆發床蝨問題，除咗要加強對應去旅行時嘅防蝨方法，返到屋企一樣要做足防蝨清潔措施！
由於高溫係床蝨嘅天敵，所以洗衫可用60°C熱水清洗用品。不過就有好多人會忽略其中一個超重要嘅清潔盲點，就係洗衣機都一定要清潔呀！只不過，點樣先可以確保洗衣機可以清潔得徹底乾淨？
洗衣機每日清洗大量衣物，過多的洗衣液、柔順劑有機會殘留於機身內，加上洗衣後留下的污垢，長此下去便有機會累積過多殘留物，因此不時洗完衫後都會傳出一陣「嗡味」。
美國亞利桑那大學研究指出，洗衣機喺清洗內衣褲後會沾有約1億個大腸桿菌，清洗過程中細菌更會轉移至其他衣物！細菌含量更加高達70多萬，係廁所嘅530倍！所以，不論洗衣機滾筒﹑防水圈邊，以及隔塵網等，都要定期進行大清潔。
洗衣機都要洗邋遢！
裝修佬建議大家使用呢支德國製造嘅洗衣機滾筒清潔劑，可以有效去除滾筒中洗衣劑、柔軟劑等殘留物之餘，更加可以減少因殘留物引起的異味。定期清潔洗衣機不但確保洗衣機洗完的衣物清潔乾淨， 更有助洗衣機保持最佳洗衣效果～
1. 首先清空滾筒，將整盒清潔劑倒入洗衣機滾筒
2. 再選用洗衣機的90 度洗式衣筒清理模式（切勿額外添加洗衣液/粉及衣物）
3.重複步驟2 過清殘留物
等洗完機之後，咁就搞掂㗎啦！
