【Viu】鍾培生、霍哥、Roy周永恒、第六宇宙 - 東方餓狼.剋龍、天水圍墮天地獄獸劉馬車今日出席《培生擂台：無敵盃》過磅記者會。過磅時，Roy以微辣阿晶自殺身亡一事瘋狂挑機霍哥，辣㷫埋Black Joe加入戰團，加上劉馬車亂入，令場面一片混亂！
霍哥揚言有信心兩Round打贏Roy，但唔會刻意掌佢嘴，事關度度都可以打，仲揚言要多謝Roy激勵到自己變成更好嘅人，亦收到偶像Yu趙頌茹嘅鼓勵短訊，所以充滿信心！不過，最爆笑係霍哥即席讀出鄧月平怒轟劉馬車嘅短訊，花生指數爆棚呀！
至於Roy就打定輸數，仲話連棺材山地都揀埋，預咗自己死硬！不過把口仲生勾勾嘅佢，又寸爆霍哥係「Lam毛契弟」，well，小編係唔識解呢個詞語嘅，求指教！想睇吓現場幾咁有火藥味，記得睇埋足本訪問喇！
