【Now.com】中學文憑試今日（19日）放榜，今屆有約5.3萬人應考，逾42％日校考生成績達到入大學門檻。今屆考DSE的藝人除了英皇歌手黃明德外，曾參與YouTube頻道《試當真》選秀節目《校花校草2022》的滕毅康（阿康）亦一直備受關注，更有網民今日在討論區出Post問「阿康幾多分」！。阿康在下午接受電台節目訪問，透露自己考獲15分成績，表示在看到成績表時「已經冇乜心情」，正為升學到處頻撲。而歌手黃明德（Dark）本來預算自己只得14分，最終考獲18分成績，喜出望外要急報大學！
相關文章：
《試當真》成員許賢今早在社交平台開Live，訪問阿康回校領取成績表前的心情，不少網民都留言為他打氣。惟至下午仍未Update阿康成績，搞到一眾網民要在討論區出Post問「阿康幾多分」！最終阿康在下午四時半接受商台節目訪問，透露自己考獲15分：「拎（成績表）嗰下有麻痺嘅感覺，之後再睇埋個分，我已經開始冇乜心情。見到啲朋友仔開始流淚，但我就有種平和嘅心情，喺到即刻諗究竟我呢個分數可以讀啲乜？」阿康又透露有不少科目有進步，但仍未達理想分數：「主要係得一科跌左grade，其他都係冇升或者喺有升到一個grade。都有進步嘅，但都唔係我理想嘅分數。」阿康亦分享放榜後獲同學提醒升學注意事項，自己有清晰目標，正忙於為升學到處頻撲。
至於歌手黃明德今早（19日）就在社交平台限時動態出Post，於車上影相，並留下一句「放榜加油」，為一眾同路人打氣。隨後Dark透過公司帶來好消息，本來預計自己只有13至15分的他，最終考獲Best5 18分、六科20分的成績。其中中文科作文更考獲第5級佳績。Dark亦在接受商台訪問時指分數喜出望外：「我唔係讀書嘅材料，個個同學都圍住我『等睇我考唔到大學』。我班主任都好鬼馬咁呃我話個分好低，但佢一反個成績出嚟，完全係喜出望外，我冇諗過自己有呢個分數。」他續指曾擔心數學科不合格：「如果我數學攞1嘅話，我係連大專都讀唔到。點知除咗數學合格攞到2之外，其他都還好，俾我諗嘅更高。」阿Dark稱事前沒想過夠分入讀大學，已「打定輸數」預先報讀副學士。但現時分數「啱啱好夠入大學」，即刻轉plan修改大學聯招課程選擇！
Photo /Instagram@darkwong0812、Instagram@official_huiyin、Instagram@tnhong_084
