0
0
【逝世30年】肥媽話家強邀演繹家駒遺作 家強炮轟:關於我的都是謊言

【逝世30年】肥媽話家強邀演繹家駒遺作 家強炮轟:關於我的都是謊言

今個星期五 (30日) 係樂隊Beyond主音黃家駒逝世30年,TVB日前播出特備節目紀念家駒,其中請來肥媽分享與Beyond過去點滴,提到家駒胞弟黃家強多年前有日打電話搵佢,話家駒生前原來作咗一首歌畀肥媽。家強今日 (26日) 罕有喺社交媒體出post,大鬧有人講大話。

家強喺Facebook帖文炮轟,表示「關於我的都是謊言,我哥哥雖然走了,我還活生生的,怎麼可以這樣不尊重人,無論是什麼途徑得到這首歌,誠實說出原因未必不能”感動”人。」家強嘅FB對上一次出Post已經係2020年8月,相隔3年再出post,相信今次肥媽嘅說話,令家強忍無可忍才發聲。

Photo / Facebook@黃家強

Photo / Facebook@黃家強

Photo / Facebook@肥媽 Maria cordero

今次事件緣自TVB為家駒逝世30年播出嘅節目,肥媽喺節目中話「係10幾20年前嘅事!有一日家強同我講,其實家駒寫咗首歌畀你架,肥媽!我話,真係好,有機會唱,如果有機會唱到就好!」肥媽口中呢首歌叫《感激這對手》,佢話錄音當日,唱頭兩段想著Beyond和家駒,更哽咽說:「其實我都有同家駒講,因為我真係冇時間聽呢首歌,我淨係前兩日聽過一次,我同家駒講『你幫幫我』,我聽兩次入去 (錄音) 就得,我覺得佢都有幫我。我諗唔到佢會寫呢隻歌畀我,呢個好觸動到我嘅心,真係我嘅榮幸。」

家強嘅Facebook post無否定家駒有作歌畀肥媽,但針對「關於我的都是謊言」,相信就係指肥媽話「有一日家強同我講,其實家駒寫咗首歌畀你架...」,家強又留言話「係呢個風雨飄搖嘅時代,我希望做人可以無愧於心。」 唔少網民留言支持家強,話「幾十年來都有人無恥地消費,證明你地當年真係好成功」、「唔該果隻XX收返自己不實之詞」。

肥媽日前抖音出過一段片,都係關於家駒生前作過一首歌畀佢,但同TVB節目上所講嘅版本有出入,肥媽同樣話當年家駒寫咗一首歌,不過搵佢唱嘅人唔係黃家強,而係BEYOND嘅經理人,唔知肥媽係咪一時搞亂講錯,暫時亦未知肥媽邊個版本先係真確。

  1. 更多
  1. 部分航空公司人手辦理登機 逾十班航班延誤 人龍一度延伸機鐵站附近
    部分航空公司人手辦理登機 逾十班航班延誤 人龍一度延伸機鐵站附近
    2小時前
  2. 俄羅斯法院裁定《華爾街日報》記者格爾什科維奇間諜罪成 判囚16年
    俄羅斯法院裁定《華爾街日報》記者格爾什科維奇間諜罪成 判囚16年
    2小時前
  3. 越共中央總書記阮富仲逝世 終年80歲
    越共中央總書記阮富仲逝世 終年80歲
    2小時前
  4. CrowdStrike更新防毒軟件致Windows全球大死機 多國航空、銀行等服務受影響
    CrowdStrike更新防毒軟件致Windows全球大死機 多國航空、銀行等服務受影響
    2小時前
  5. CrowdStrike更新防毒軟件致Windows全球大死機 多國航空、銀行等服務受影響
    CrowdStrike更新防毒軟件致Windows全球大死機 多國航空、銀行等服務受影響
    2小時前
  6. 俄羅斯法院裁定《華爾街日報》記者格爾什科維奇間諜罪成 判囚16年
    俄羅斯法院裁定《華爾街日報》記者格爾什科維奇間諜罪成 判囚16年
    3小時前
  7. 荃灣住宅單位火警無人受傷
    荃灣住宅單位火警無人受傷
    3小時前
  8. 部分航空公司人手辦理登機逾十班航班延誤 人龍一度延伸機鐵站附近
    部分航空公司人手辦理登機逾十班航班延誤 人龍一度延伸機鐵站附近
    3小時前
  9. 全國人大常委會發公報:前外長秦剛因個人原因辭去職務
    全國人大常委會發公報:前外長秦剛因個人原因辭去職務
    3小時前
  10. 【杏林在線】目不斜視
    【杏林在線】目不斜視
    4小時前