【now.com】前商台DJ、67歲的蘇施黃於2005年戰勝乳癌之後如常工作，近年更轉做「SOL（Star Opinion Leaders）」，開設YouTube 頻道「教煮蘇 This is So good」分享飲食、生活見聞。不過日前她卻拍片自爆自己患上了大腸癌第三期。
阿蘇上周四（20日）於頻道上載醫院自拍的新片「照腸結果出咗啦！」，阿蘇精神不俗，透露當初因為發現屙血，上月26日入院檢查，照心照肺照胃照腸，「屙三幾日停，個幾月後又屙鮮血，但唔痛，會係乜呢？再去睇醫生，醫生話穩陣啲照腸好」。檢查後發現罹患大腸癌，要即接受手術。
阿蘇指手術順利完成，經化驗後發現是大腸癌第三期：「星期三切割咗腸，大腸轉角位切咗15cm，嗰度有個腫瘤，側邊攞咗25粒淋巴，其中3位有感染，醫生晨早已經話肯定唔係第一期，驗出嚟係大腸癌第三期。」
其後阿蘇接受正電子掃瞄，結果顯示癌細胞並無擴散，她舉晒V字超開心，「噚日臨出院做檢查，結果冇擴散，依家係大腸癌第三期，已經切咗，做完手術嗰日温溫鈍鈍，但精神，吊咗兩日鹽水」。她又透露手術後共住了8日醫院，在第3日較有精神，要求拔尿喉、鹽水喉進食。阿蘇感謝醫護人員悉心照顧，又大讚醫院飲食質素高。她更分享術後美食，包括蝦球炒貴刁、漢堡包、點心等，非常豐富。
阿蘇指全靠食物保持心境開朗，「開心到不得了，一個人當你食嘢覺得自己病就好病，但當你覺得同Normal人一樣就Normal，我開咗刀，咁大個症，仍然笑口噬噬，臉色非常之好」。她又透露下月會做化療，「當然我而家仲有大考驗，因為仲要做化療。唔緊要，化療完又擦過，我啲朋友話化療前先吃為敬，化療後再吃為敬」。好多網民都讚阿蘇開朗豁達，留言祝福她早日康復。
蘇施黃與密友金燕玲近年因身體出毛病相繼進出醫院，金燕玲曾先後患過子宮癌和乳癌，治療過程艱辛，幸有阿蘇陪伴，戰勝癌魔後復出拍戲。
Photo／Instagram@ah_so_good、FaceBook@蘇施黃
Video/ YouTube@教煮蘇 This is So good影片截圖
