樂隊 ToNick 7月初將在九展舉行兩場演唱會，門票全部售罊，在網上開始有「黃牛」高價放飛，ToNick 鼓手晨曦就親自「放蛇」勸退黃牛！
兩場門票全數售罄
ToNick 7月3至4日將於九龍灣國際展貿中心開唱，由於現時仍有入座限制，兩場門票短短一日已全數售罄，有粉絲嘆搶不到演唱會飛，自然又有「黃牛黨」出現。鼓手晨曦親自出馬扮買家問價，尾場原價$680門票，賣家開價$2400兩張，晨曦就自嘲「咁貴，ToNick喳播」，賣家回覆指門票位置是全場第一行，晨曦即忍不住表明身份，直斥「就係你炒飛搞到大家買唔到飛，我會呼籲大家唔好買黃牛，你都唔好炒飛喇，做個清醒嘅人，入場睇我哋騷。」
晨曦的霸氣舉動令粉絲大讚有型，ToNick 亦在帖文再三呼籲粉絲不要買黃牛，並指「尾場我落去同佢（黃牛）握手」，有人就開玩笑指「炒一炒自己張飛，搏（博）你地（哋）落嚟同我握手。」
網友大讚晨曦（左一）舉動有型
Photo / Facebook@tonickrock
