0
0
〈好遊〉呢個故事由一個漁村講起 香港仔避風塘浪遊漁港1773

〈好遊〉呢個故事由一個漁村講起 香港仔避風塘浪遊漁港1773

〈好遊〉呢個故事由一個漁村講起 香港仔避風塘浪遊漁港1773

【A&M Diary】今日想同大家講一個故事,呢個故事發生喺1773年(即清朝乾隆三十八年),當時呢個地方只係一個小漁村,漁民出海前都會祈求平安、風調雨順、漁獲豐收等,所以就集資興建咗主祀洪聖爺嘅洪聖古廟,廟內仲有其他供奉嘅神祇,包括:關帝、太歲、文昌同觀音。呢個地方自此一帆風順,開埠發展,講緊嘅地方,其實你同我都好熟識,呢度就係香港,而呢個洪聖廟就係現存嘅鴨脷洲洪聖廟!大家都知道,香港係國際大都會,但對佢嘅嘅歷史,又有幾深呢?所以今個weekend我同A姐參加咗浪遊漁港1773嘅導賞團,坐住傳統舢舨,穿越漁港同香港避風塘,了解小城故事。

提提你
出發前大家要留意以下注意事項:
1. 保持清潔,唔好喺避風塘亂拋垃圾
2. 行程中無法使用輪椅與嬰兒車
3. 可攜帶20磅以下的小型犬參與活動

鴨脷洲洪聖廟
浪遊漁港1773導賞團嘅集合地點,就係喺鴨脷洲洪聖廟對出嘅碼頭,出發前,可以先參觀了解一吓呢個香港法定古蹟,而我哋出海之前,就同洪聖爺爺講聲,祈求出海順利平安。

香港仔魚類批發市場
到集合時間出發喇,我哋登上有蓋嘅舢舨船之後,導賞員先派發每人一個語音導賞耳機,你可以自由選擇所提供嘅4種語言:廣東話、普通話、英文同日文,咁就可以更方便了解各個地標嘅歷史同故事。第一站就去到港版築地市場:香港仔魚類批發市場。香港仔魚類批發市場喺1950年設立,至今已經有70年歷史,由魚統處負責經營,場內設有34個海鮮批發區域,批銷全港7成海鮮吞吐量,一年處理高達3萬噸海鮮同冰鮮魚,市場仲有禮品店同海鮮餐廳架。

香港仔避風塘
我哋今日參加朝早嘅導賞團,所以避風塘內已經泊滿捕魚回港嘅漁船,睇吓佢哋嘅收獲又幾豐富喎!喺避風塘內當然唔少得一架又一架嘅海上行宮,呢啲遊艇好靚呀!喺避風塘除咗漁船同遊艇,仲有好多候鳥,我哋今日就驚喜見到大白鷺喺避風塘內覓食同飛翔喇!

珍寶海鮮舫
珍寶海鮮舫係其中一個代表香港嘅地標,佢嘅正確名稱係珍寶王國,而呢個王國由兩艘著名畫舫組成,分別係珍寶海鮮舫同太白海鮮舫,而太白海鮮舫嘅歷史相對悠久。由開業嘅時候只係一艘木製嘅登陸艇,至1952年先建造一艘長105呎嘅畫舫,去到1960年再修建成長達150呎嘅新畫舫,最多可以容納800人。至於珍寶海鮮舫喺1971年開業前夕,不幸遇上四級大火,直至1976年先重新開業,珍寶海鮮舫除咗海鮮,最出名就係佢仿照中國宮廷設計,外觀同內飾以中國壁畫同傳統手工藝飾物為主,而最出名當然就係店內嘅皇帝龍椅喇!直至1982年嘅收購活動後,就成為咗今日嘅珍寶王國。

喺疫情下,珍寶王國暫停營業,想食嘅或者要等疫情過後重臨啦!至於參加導賞團就會安排停喺珍寶王國前面,等我哋慢慢同珍寶海鮮舫影相打卡,呢個景真係好值錢㗎,話晒當年英女皇伊利沙伯二世、國際巨星尊榮、尤伯連納、威廉·荷頓、湯告魯斯等都有親臨光顧,而且仲有唔少電影都喺呢度取景㗎!

爬龍舟
避風塘內有唔少龍舟隊,所以好多時都有機會喺避風塘見到隊員落力練習。

鴨脷洲造船廠
曾經Made in Hong Kong係一個指標,當時嘅香港有唔同嘅工業發展,原來香港都有造船廠,仲保留營運至今,佢就係鴨脷洲造船廠!其實由1841年香港成為自由港之後,造船業就開始發展,如果講起兩大船塢:太古、黃埔,相信你一定聽過!因為依家造船業式微,只有極少數新船建造,所以依家主要以維修保養為主。

  1. 更多
  1. 港鐵銅鑼灣站列車車門飛脫 無人受傷
    港鐵銅鑼灣站列車車門飛脫 無人受傷
    8小時前
  2. 奧地利前總理庫爾茨突然宣布退出政壇
    奧地利前總理庫爾茨突然宣布退出政壇
    1分鐘前
  3. 文在寅晤奧斯汀商討合作推動朝鮮半島無核化
    文在寅晤奧斯汀商討合作推動朝鮮半島無核化
    5分鐘前
  4. 楊潔篪晤南韓國家安保室長徐薰談及終戰宣言事宜
    楊潔篪晤南韓國家安保室長徐薰談及終戰宣言事宜
    8分鐘前
  5. 【晨早新聞重點】(12月3日)
    【晨早新聞重點】(12月3日)
    17分鐘前
  6. 【附名單】21個地方納入強制檢測公告
    【附名單】21個地方納入強制檢測公告
    8小時前
  7. 港鐵初步估計廣告牌部件移位擊中車門造成事故
    港鐵初步估計廣告牌部件移位擊中車門造成事故
    8小時前
  8. 挪威奧斯陸爆發Omicron變種病毒本土傳播
    挪威奧斯陸爆發Omicron變種病毒本土傳播
    8小時前
  9. 【12月2日疫情速報】(23:00)
    【12月2日疫情速報】(23:00)
    8小時前
  10. 美歐將就對華政策發表「強有力」聲明 中方敦促摒棄冷戰思維
    美歐將就對華政策發表「強有力」聲明 中方敦促摒棄冷戰思維
    9小時前