【Now.com娛樂】金像導演陳果新戲今日煞科，撞正邵音音（音音姐）七十大壽，劇組成員黃又南、車保羅、太保、張達明、李麗珍等為她送上蛋糕慶祝！音音姐今次在呢套恐怖片，飾演98歲老太太，見她著住橙紅色貼身裙，真係「鬼火咁靚」。
金像導演陳果再發功拍鬼片，以香港樓市「貴到唔係人住」的怪現象為題材，嬉笑怒罵探討港式猛鬼劏房，陳果透露拍攝遇上疫情，在電影業艱難時期，好感激演員肯減片酬出演，出力撐香港電影。
音音姐在戲中飾演患有腦退化症的98歲老太太，她今日的藍色眼影勁醒神，橙紅色貼身裙更是別有風味。原來她的角色沒有對白，但每日要花7小時化妝落妝，真係少啲耐性都唔得，陳果亦大讚她演得好好。
劇組成員和音音姐完全唔怕忌諱，拎住驅魔符和生日蛋糕興奮合照，在劏房場景慶祝生日。音音姐就大讚劇組很有愛：「多謝劇組的蛋糕，今次很開心可以和很多好朋友一同拍攝。希望電影快點上映，可以一起到戲院觀賞！」
Photo / kingmartad
