0
0
【開運食咩好?】星馬日韓催運菜式逐個數

【開運食咩好?】星馬日韓催運菜式逐個數

【Now.com生活】新年唔想淨係畀年糕塞滿你個胃,點解唔試下其他國家嘅開運菜式吖?去外遊食唔到傳統中國賀年食物嘅朋友一樣適用,即刻睇睇其他地方有咩開運好菜推介!

日本 ▸ 開運水產

相信唔少朋友外遊都會揀去日本,但無理由去到當地搵年糕煎堆食吖?咁到底日本有咩嘢食係「好意頭」,適合新年食呢?其實喺日本進食水產係催旺運勢嘅悠久傳統,其中寓意好運嘅水產就以鯛魚、油甘魚及帆立貝最受歡迎!

鯛魚刺身

相傳日本豐收之神惠比壽曾經手執鯛魚現身,因此鯛魚喺日本被視為「幸運之魚」,而且鯛魚可以存活40年以上,亦被視為長壽象徵!

油甘魚、帆立貝壽司

香港人一般叫嘅「油甘魚」其實仲有個花名叫「出世魚」,佢個名會隨住成長而改變,例如「Tsubasu」、「Hamachi」等等,所以被認為有步步晉升、升職、成功之意!

帆立貝大家又估唔估到寓意咩呢?有名你叫「帆立」,係因為佢嘅外形同帆船嘅帆好相似,佢喺海中嘅姿態就好似帆船乘風啟航咁樣,有一帆風順之意。

韓國 ▸ 年糕湯

平時一提起韓國就諗起紅卜卜嘅泡菜,不過佢哋新年必食嘅反而係呢碗米白色嘅年糕湯!因為白色有純潔、高潔之意,比喻飲完年糕湯就洗走過去一年嘅污穢,以潔淨嘅心迎接新年。除咗寓意健康長壽,年糕湯內橢圓形嘅年糕與銅錢模樣相似,亦有「財源滾滾」之意!

韓國人每逢新年就會食呢碗年糕湯,以示「長大了一歲」,當地人仲會以「你食咗幾多碗年糕湯?」嚟問小朋友嘅年紀添!

新加坡、馬來西亞 ▸ 撈魚生

一聲「撈起!」,大家一齊「撈」枱上嘅七彩魚生,寓意新一年愈「撈」愈旺,風「生」水「起」!呢道係新加坡、馬來西亞人新年必食之選,材料有魚生絲、生菜絲、西芹絲、紅蘿蔔絲、沙葛絲、黃瓜絲、紫包菜、薑絲及花生碎等,材料七彩繽紛有七彩燦爛之意。

要留意食呢味菜嘅時候,大家會圍成一圈,然後拎起筷子「摷」起各種材料,口中要叫住:「撈起!」或者講其他祝賀說話,摷得愈高,就代表步步高昇,新一年會賺得更多!

新加坡家庭團聚「撈起」片段▼

Text / KW
Source / JFOODO、Internet
Photo / KW、陸永東、Internet

  1. 更多
  1. 葵涌警員開槍擊中一名男子 另外一人涉襲警被捕
    55分鐘前
  2. 《環球時報》社評批暴徒在港搞新型恐怖主義
    36分鐘前
  3. 吐露港公路、紅隧來回線仍封閉
    55分鐘前
  4. 譚耀宗:中央冀香港自行平息亂局 毋須解放軍介入
    57分鐘前
  5. 威尼斯再度水浸 聖馬可廣場關閉
    1小時前
  6. 劉曉明向鄭若驊轉達中央、國務院領導慰問
    1小時前
  7. 港鐵除機場快綫外晚上十時收車
    2小時前
  8. 柴灣休班警遇襲拔槍示警 跌下一粒子彈
    2小時前
  9. 旺角警方施放催淚彈驅散至少一人被捕
    2小時前
  10. 南韓上調赴港旅遊安全預警
    9小時前