0
0
〈娛樂乜乜乜〉唔一定要停工 Home Office得唔得呢?

〈娛樂乜乜乜〉唔一定要停工 Home Office得唔得呢?

〈娛樂乜乜乜〉唔一定要停工 Home Office得唔得呢?

【Now.com娛樂】打完風,最大爭拗落在政府應否宣布放一日假,結果林鄭將個波拋畀一班生意人,呢招絕。與其話爭拗,不如話係矛盾,生意人梗係覺得落咗三號風球,梗係應該返工啦,問題係破壞需要時間修復,交通斷晒點返工?係呀而家三號,但尋晚十號呢,如果香港有地震,按佢哋邏輯,地震都係震一陣,震完就無事啦,返工!林鄭叫雙方勞資雙方體諒,哈!香港係一個乜嘢地方?香港係一個十號風球,一支水賣$100嘅地方。香港係打完十號風球,紅Van加價到$200嘅地方。體諒?邊有咁高道德層次去做啫。

從來唔期望生意人好有良心,唔黑心就已經好叻。點黑心呢?其實好多人今日用幾個鐘返工,返到去係無乜嘢做㗎!鬼咩,時間無咗一半,體力消耗大半,同埋你返工啫,你啲客唔開工都係白走一轉,根本個城市停咗一半,啲老闆有無用心考慮返工嘅必要性?我有好多朋友在whatsapp group訴苦,不約而同都係千辛萬苦被上司召喚返到公司,然後開半日無謂嘅會,根本就係集體扮工,咁又何苦?

今次打風都有幾個唔同嘅藝人老闆被報導佢哋嘅管理方式,都值得參考。做老闆,你唔一定好似杜汶澤咁,唔畀員工返工,返工即炒咁激進。你亦唔需要好似Bob咁,講到屋企緊要過返工好多,所以畀員工放日假,如果唔係知道佢之前執返條命,我真係會覺得咁講好偽善。

你可以學吓古天樂吖,世界上有樣嘢叫Home Office嘛,有嘢要做唔緊要,咪喺屋企做囉,大家都安心。當然唔係所有工都可以在屋企工作,但好多其實係可以,不過公司無配套。我一直都唔明點解香港一方面咁先進,另一方面又咁落後。又或者,可以學吓超蓮,放員工一日假,然後搵佢哋一齊做義工,為香港做啲有意義嘅事之餘,仲可以做埋宣傳,咁係咪比留住員工個人但留唔住佢哋個心,有意思得多先?

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

 

魯連FB專頁::https://www.facebook.com/lolinhk
  1. 更多
  1. 自費乘機的18名港人抵港後坐專車到駿洋邨
    自費乘機的18名港人抵港後坐專車到駿洋邨
    1小時前
  2. 美國確診個案增至34宗
    美國確診個案增至34宗
    49分鐘前
  3. 意大利多14人確診 屬群聚感染
    意大利多14人確診 屬群聚感染
    50分鐘前
  4. 內地累計逾七萬五千人確診
    內地累計逾七萬五千人確診
    55分鐘前
  5. 譚德塞:遏制疫情機會正在減少
    譚德塞:遏制疫情機會正在減少
    1小時前
  6. 18人趕不及上機 兩人是緊密接觸者
    18人趕不及上機 兩人是緊密接觸者
    1小時前
  7. 港府第二班包機港人抵達駿洋邨
    港府第二班包機港人抵達駿洋邨
    1小時前
  8. 【2月22日疫情速報】(02:15)
    【2月22日疫情速報】(02:15)
    7小時前
  9. 第二班包機較原訂時間延遲四個小時起飛
    第二班包機較原訂時間延遲四個小時起飛
    7小時前
  10. 港府第二班包機凌晨抵港
    港府第二班包機凌晨抵港
    7小時前