0
0
〈娛樂乜乜乜〉只不過係一場show 但都要好睇囉

〈娛樂乜乜乜〉只不過係一場show 但都要好睇囉

〈娛樂乜乜乜〉只不過係一場show 但都要好睇囉

【now.com娛樂】我從來唔相信有樂壇頒獎禮係完全公平公正,喺呢行浸淫過一段時間,就自然見到運作方式,人人都識講,其實只係一場show。好似今年勁歌話克勤出嚟同後生仔爭獎擺明係要坐樂壇關愛座,呢個形容啱一半啦,一個老屎忽同胡鴻鈞爭獎係肉酸嘅,但從唔同角度睇其實克勤都冇乜選擇。搞呢場show嘅TVB,你喺佢角度睇真係頭都痕埋,得班「巨聲」,完全冇一個似樣嘅巨星撐場,咁而家有個李克勤肯嚟,你chur唔chur佢?唱片公司角度,個歌手今年有新歌又有期,咁你唔通唔俾佢出嚟曝吓光?問題係俾得個克勤出嚟,冇理由要佢坐觀眾席睇胡鴻鈞攞獎咁難堪,問清楚有冇獎先,人哋話有喎,咁點解唔去?歌手角度,喂我真係有出新歌有做嘢,又未退休,又冇話過唔攞獎,行得正企得正點解唔可以攞獎?個圈一向就係咁運作,呢個case你好難話克勤錯,佢最多係摸唔清時勢,其實最錯係個show唔好睇,咁就更突顯克勤同後輩爭獎嘅感覺。

一樣係攞男歌手,叱咤你唔會覺克勤走出嚟好似勁歌咁突兀,同樣係老屎忽,同樣係走下坡嘅樂壇,但叱咤個show好睇。一嚟就唔知喺邊度搵個謝霆鋒出嚟揸住個MK到爆嘅火焰電結他唱《活著Viva》同《玉蝴蝶》,嘩佢唔煮嘢食真係即刻似返個人!連觸執毛都肯同佢玩我又真係估唔到,以為阿水實會蔑爆佢,點知冇;睇完謝霆鋒你以為冇嘢睇咩?閂電視你就後悔,你又估唔到佢搵到陳奕迅上去襯林狗啲老土讀白,唔係誇張,high到好似返咗十幾年前咁!在一個咁夕陽嘅樂壇搞到一個咁精彩嘅show,試問我仲會唔會介意李克勤出嚟攞個男歌手金獎?仲會唔會講乜鬼樂壇關愛座?唔會囉,我loop多幾次霆鋒同Eason唔好?

呢幾年係灰㗎,有好強烈感覺越來越少人聽廣東歌,可能好多人已經唔需要從廣東歌搵到生活嘅共鳴,可能大家搵到更加enjoy嘅娛樂,但對生於廣東歌最燦爛嘅一代嚟講,我係完全感受到頒獎禮場館依舊爆滿但行業其實冷冷清清嘅心酸。但你一日仲係做緊嗰樣嘢搵緊嗰啲錢,你就要做好件事佢,一係就唔好做。即是老屎忽歌手一樣可以唱好啲歌出嚟攞獎,頒獎禮在人才凋零時一樣可以用誠意做個令人有感覺嘅show,你阻止唔到衰落,但唔好做拖累人嗰個,咁樣就算有日樂壇消失,你都可以昂起頭做人。

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

  1. 更多
  1. 年滿16歲人士可預約接種新冠疫苗
    年滿16歲人士可預約接種新冠疫苗
    2小時前
  2. 英國研究:接種首劑新冠疫苗後感染率減近三分二
    英國研究:接種首劑新冠疫苗後感染率減近三分二
    5分鐘前
  3. 美參院通過打擊仇恨亞裔人士罪行法案 下月交眾院審議
    美參院通過打擊仇恨亞裔人士罪行法案 下月交眾院審議
    14分鐘前
  4. 俄羅斯早前向烏克蘭邊境增兵 分析指是美俄的博奕
    俄羅斯早前向烏克蘭邊境增兵 分析指是美俄的博奕
    19分鐘前
  5. 元朗區議員杜嘉倫宣誓辭任 政府刊憲議席出缺
    元朗區議員杜嘉倫宣誓辭任 政府刊憲議席出缺
    25分鐘前
  6. 【首都專線】北京改造老胡同 古城保護者指騰退工作困難
    【首都專線】北京改造老胡同 古城保護者指騰退工作困難
    57分鐘前
  7. 南韓增近八百宗確診 一軍艦32人染疫
    南韓增近八百宗確診 一軍艦32人染疫
    1小時前
  8. 中學文憑試開考 試場分隔考生及上課學生避免交叉感染
    中學文憑試開考 試場分隔考生及上課學生避免交叉感染
    1小時前
  9. 【中國評論】氣候外交應對美國/首季GDP
    【中國評論】氣候外交應對美國/首季GDP
    1小時前
  10. 日本疫情反彈 將於四都府縣頒布緊急事態宣言
    日本疫情反彈 將於四都府縣頒布緊急事態宣言
    1小時前