【A&M Diary】美國人度假會去加勒比海、歐洲人度假去地中海，咁香港人度假當然就係去東南亞啦！東南亞有唔同嘅海島同景點，至於東南亞嘅美食各走迂迴，各具特色！位於元朗嘅Chilli Lime係一間東南亞餐廳，可以一次過品嘗東南亞同印度嘅味道，亦有多款自家製特飲，而且環境舒適，感覺寫意，讓你渡過一個氣氛悠閒嘅美食之旅。
Chilli Lime：燒亞洲沙嗲
串燒燒得啱啱好，每串都帶有焦香味。Chilli Lime嘅雞肉串燒到乾身，油份逼出，焦脆嘅雞皮外層而雞肉多汁；牛肉生熟度啱啱好，肉質軟腍帶有濃肉嘅牛香味。重點當然係非常香濃嘅沙嗲醬，令到串燒更加惹味。
燒亞洲沙嗲
Chilli Lime：泰式鴨肉春卷
春卷外皮薄脆，咔嚓一聲咬開外皮就見到裏面豐富嘅內餡，除左食到Chilli Lime嘅鴨肉肉香味，滑溜嘅粉絲同微甜嘅蘿蔔絲都同樣豐富咗春卷嘅口感。
泰式鴨肉春卷
Chilli Lime：泰式生菜包
Chilli Lime嘅泰式生菜包用上fusion嘅方法，夠晒驚喜！泰式嘅食法配上越南特色嘅味道，雞肉碎非常入味，加上豆角粒爽脆嘅口感以及清新可口嘅生菜，味道非常清新開胃。
泰式生菜包
