【A&M Diary】
講到旺角韓國燒肉、旺角韓燒，選擇其實真係唔少，不過如果想一次過品嚐幾款韓牛，OPPA韓國燒肉店就幾值得一試。今次我哋就嚟到旺角食韓國燒肉，由前菜、熱湯到燒肉都有選擇，當中最期待嘅當然係四式韓牛拼盤，一次過食到封門柳、韓牛頸脊、下腹牛肋肉及雪花腩片，幾款牛肉各有不同口感。除咗韓牛之外，仲試埋醬雞片、醬腌豬肋肉，以及即席製作嘅鐵板芝士墨汁炒飯，今次就同大家分享一下OPPA韓國燒肉店有咩必食推介。
OPPA韓國燒肉店：韓國泡菜
一開始食韓國燒肉，梗係要先食韓國前菜啦！OPPA韓國燒肉店會先提供韓國前菜3小碟，非常開胃。
OPPA韓國燒肉店：泡菜蛋
爐邊泡菜蛋唔止有泡菜，仲加入魷魚粒，食落更加有口感，幾開胃。
OPPA韓國燒肉店：牛骨湯
送上嚟熱辣辣，仲不停出晒煙，未飲已經聞到濃濃嘅牛肉香。OPPA韓國燒肉店嘅牛骨湯煲到奶白色，牛味香濃，而且入面都幾足料，飲落暖笠笠，好適合配住韓國燒肉一齊食。
OPPA韓國燒肉店：韓式醬雞片
雞片口感幾滑，一啲都唔鞋。雞片原來係無預先醃製，主要靠燒烤時再配上OPPA韓國燒肉店秘製嘅醬汁調味，味道會比較清爽。
OPPA韓國燒肉店：牛柳粒
牛柳切得大大粒，入口肉感十足，牛味亦幾濃郁。燒香之後帶有脂肪嘅油香同焦香感，食落更加惹味。
OPPA韓國燒肉店：醬醃豬肋肉
醬醃豬肋肉嘅脂肪分布平均，放上燒肉爐之後不停傳出「炸炸」聲，燒到表面微微焦香，食落香口又帶住豬肉本身嘅油脂香。
OPPA韓國燒肉店：四式韓牛拼盤
主角終於到啦！如果第一次嚟OPPA韓國燒肉店，我會幾推薦試下呢個四式韓牛拼盤，一次過可以品嚐封門柳、韓牛頸脊、下腹牛肋肉及雪花腩片，四款韓牛各有特色，亦可以食到唔同口感。
封門柳
牛味最濃，肉質比較爽口，亦係我今次最鍾意嘅一款
