【A&M Diary】Billow以純白色建築外觀，配合白鷺湖湖景、遠處穿梭而過嘅火車，以及吐露港開揚景色，不經意打造出南歐風格，彷彿置身海外小鎮。而Billow主打多國菜，享受一頓美食之餘，仲可以打卡影相，充滿寫意度假氛圍，讓你享受香港少有嘅異國情調。
Billow：香煎帶子、藏紅花忌廉汁、三文魚籽
作為前菜，Billow嘅份量都唔少喎！帶子煎得啱啱好，外邊微焦而中心微生，夠晒鮮甜，口感十分豐富！配上藏紅花忌廉汁同三文魚籽，令層次踏上另一境界，特別係三文魚籽更加係神來之筆，令鮮甜味再豐富！
Billow：風乾火腿、布拉塔水牛芝士、蜜瓜
講到南歐又點少得風乾火腿、布拉塔水牛芝士同蜜瓜呢！Billow嘅風乾火腿鹹香濃厚，蜜瓜嘅存在正好中和咗呢份味道。至於小牛芝士奶香豐富，細膩幼滑。
Billow：烤法國春雞白酒忌廉汁
半隻嘅春雞，雞皮薄脆可口，用刀一切開，雞汁隨即湧出，非常juicy！雞肉非常嫩滑，配上白酒忌廉汁更令味道層次大大提升，非常creamy！
