【A&M Diary】香港雖然係一個藝術沙漠，但一定聽過梵高（Van Gogh）！梵高可以話係最具辨識度嘅藝術家之一，著名嘅作品包括《向日葵》、《星夜》等。如果你都想一睹佢嘅真跡，必去阿姆斯特丹嘅梵高博物館（Van Gogh Museum），館內呈現多幅著作，讓你沉浸於他的創作之中。本文將介紹梵高博物館（Van Gogh Museum）8大必睇作品、門票優惠及交通攻略，讓你認識梵高的藝術世界。
梵高博物館 | 基本資料
梵高係出年於荷蘭，為著名嘅後印象派畫家。享年37歲嘅梵高，總共創作約2100幅畫作，其中包括約870幅油畫；而晚年因受精神疾病困擾，畫風變得更誇張，用色更大膽，但卻係最代表性嘅梵高時期。梵高博物館（Van Gogh Museum）共四層，按照梵高生平展示各時期的作品，包括梵高的200幅畫作、400幅素描和700封信件，係世界上收藏咗最多梵高作品嘅博物館。
開放時間：星期一至四、星期六及星期日 09:00–17:00、星期五 09:00–21:00
地址：Museumplein 6, 1071 DJ Amsterdam, Netherlands
建議參觀時間：90–120分鐘
梵高博物館 | 門票優惠
梵高係世界上最多人認識嘅藝術家之一，加上梵高博物館（Van Gogh Museum）不設現場購票，所以去梵高博物館參觀前，建議預先購買門票，更能方便入場。
梵高博物館 | 前往方法
由香港飛阿姆斯特丹，乘坐電車至Museumplein站，步行2分鐘即可到達梵高博物館（Van Gogh Museum）。
梵高博物館 | 8大必睇作品
《向日葵》（Sunflowers）
梵高曾經同佢嘅弟弟講：「向日葵係屬於我的花」，可見梵高對向日葵嘅鍾愛。《向日葵》（Sunflowers）係梵高博物館最具代表性嘅作品之一，畫中大量運用黃色，以不同嘅層次將向日葵嘅生命力展現。
《梵高的臥室》（The Bedroom）
《梵高的臥室》描繪了梵谷居住的臥室，畫面平靜，代表住梵高對安穩生活嘅渴望；但卻隱藏住佢嘅孤獨情緒，絕對係梵高博物館內必睇嘅作品之一。
《吃馬鈴薯的人》（The Potato Eaters）
梵高博物館內展示梵高早期作品嘅畫風暗沉厚重，與其患病後成強烈對比。《吃馬鈴薯的人》描繪農民辛勞嘅日常，反映佢對底層勞動者嘅同情，亦顯示佢當時仍然追求寫實嘅風格。
《盛開的杏花》（Almond Blossoms）
《盛開的杏花》為咗慶祝姪仔出世而畫，所以相比其他作品，呢幅畫嘅畫風相對平靜清新，非常治癒。另外，梵高對於日本浮世繪充滿興趣，所以呢幅梵高博物館嘅作品亦係參考浮世繪風格創作。
