【A&M Diary】由曾於酒店任職中廚的師傅坐鎮，幸運點心手工專門店堅持自家手工製作港式點心，以呈現傳統港式點心應有嘅細膩與溫度！但唔好以為有星級主廚坐鎮，價錢就會離地；幸運點心手工專門店選址深水埗，早茶至夜茶點心價錢大眾化，成為人氣嘅點心餐廳。
幸運點心手工專門店：花菇燒賣皇
金黃色又脹卜卜嘅燒賣，入口即感受到肉汁嘅鮮甜，再滲出淡淡蝦香，加上口感厚實嘅厚切花菇，帶出濃郁嘅菇香，將燒賣嘅層次推到更高。
幸運點心手工專門店：黑毛豬叉燒包
幸運點心手工專門店特意選用黑毛豬肉製作叉燒餡，肉質細緻之餘帶微微嚼勁。叉燒份量十足，而重點嘅秘製叉燒醬經師傅改良後甜而不膩，與鬆軟包皮完美融合。
幸運點心手工專門店：蒜蓉蝦春卷
幸運點心手工專門店嘅蒸點即叫即蒸，炸點當然都係即叫即炸！春卷外皮炸得金黃香脆，一咬即「咔嚓」作響，內餡嘅蝦肉份量十足，鮮味突出；而加入芹菜作配角，巧妙帶出清爽口感。
幸運點心手工專門店：龍蝦湯鮮竹卷
好似黑白大廚呀！幸運點心手工專門店將常見嘅鮮竹卷，換成甘甜嘅龍蝦湯入饌，湯汁充分滲透入豬肉、蝦仁同芹菜等餡料之中。入口先嚐到龍蝦湯嘅鮮甜，再到餡料嘅層層口感。
